येत्या १७ डिसेंबरपासून भारत व ऑस्ट्रेलिया संघात ४ सामन्यांची कसोटी मालिका सुरू होत आहे. मालिका विजय मिळवण्यासाठी भारतीय संघाला आपल्या गोलंदाजांकडून चांगल्या कामगिरीची अपेक्षा आहे. कसोटी सामने जिंकण्यासाठी २० विकेट्स मिळवणे गरजेचे असते, त्यामुळे कसोटी सामन्यात गोलंदाज महत्त्वाची भूमिका बजावतात. एका कसोटी सामन्यात गोलंदाजांने १० बळी मिळवणे हे फलंदाजाने द्विशतक करण्याप्रमाणे विशेष आहे. आपण या लेखात बघणार आहोत टॉप ३ भारतीय गोलंदाज ज्यांनी ऑस्ट्रेलियाविरुद्ध एका सामन्यात सर्वाधिक वेळा १० बळी मिळवले आहेत.
३. आर अश्विन (१ वेळा)
भारताचा अनुभवी फिरकी गोलंदाज आर अश्विनने ऑस्ट्रेलिया विरुद्ध प्रत्येक वेळी उत्तम कामगिरी केलेली आहे. अश्विनने ऑस्ट्रेलिया विरुद्ध खेळलेल्या १५ कसोटी सामन्यात ७७ बळी मिळवले आहेत. यात त्याने एकदा एका सामन्यात १० बळी देखील मिळवले आहेत. आगामी मालिकेत देखील अश्विनकडून भारतीय संघाला अशाच उत्तम कामगिरीची अपेक्षा असेल.
२. अनिल कुंबळे (२ वेळा)
भारताचा दिग्गज फिरकीपटू व माजी कर्णधार अनिल कुंबळेने २ वेळा ऑस्ट्रेलियाविरुद्ध एका सामन्यात १० बळी मिळवले आहेत. लेग स्पिनर असलेल्या अनिल कुंबळेची ऑस्ट्रेलियाचा महान लेग स्पिनर शेन वॉर्नशी मैदानात कायम जुगलबंदी होत असे. दोन्ही दिग्गज खेळाडूंनी आपापल्या संघाकडून खेळतांना एकमेकांविरुद्ध उत्तम कामगिरी केलेली आहे. कुंबळेने ऑस्ट्रेलियाविरुद्ध खेळलेल्या २० सामन्यात १११ बळी मिळवले आहेत.
१. हरभजन सिंग (३ वेळा)
फिरकीपटू हरभजन सिंगने देखील ऑस्ट्रेलिया विरुद्ध खेळताना प्रत्येक वेळी उत्तम कामगिरी केलेली आहे. २००१ साली ऑस्ट्रेलिया विरुद्ध झालेल्या प्रसिध्द कोलकाता कसोटी सामन्यात हरभजनने हॅट्रिक देखील घेतली आहे. हरभजनने ऑस्ट्रेलिया विरुद्ध १८ कसोटी सामने खेळले आहेत व यात त्याने ९५ बळी मिळवत तब्बल ३ वेळा एका सामन्यात १० पेक्षा जास्त बळी मिळवले आहेत.
ट्रेंडिंग लेख-
पहिल्या कसोटी सामन्यात भारताकडून कोण करणार ओपनिंग?, विराट समोर ‘हे’ ५ पर्याय
नव्या आयसीसी कसोटी क्रमवारीत भारतीयांची बल्ले-बल्ले; सहा खेळाडू ‘टॉप टेन’मध्ये
महत्त्वाच्या बातम्या-
‘टी२० क्रिकेटमध्ये गोलंदाज लवकर गुडघे टेकतात,’ ऑस्ट्रेलियन दिग्गज फिरकीपटूचे रोखठोक मत
लंका प्रीमियर लीगमधील अंतिम सामन्याची संपूर्ण माहिती, जाणून घ्या एका क्लिकवर
नववर्षात वेस्ट इंडिज करणार बांगलादेशचा दौरा, ‘या’ कारणामुळे टी२० मालिका रद्द