नवी दिल्ली। जगभरात पसरलेल्या कोरोना व्हायरसदरम्यान इंग्लंडमध्ये नुकतेच आंतरराष्ट्रीय क्रिकेटचे पुनरागमन झाले आहे, तर बऱ्याच देशांमध्ये आतापर्यंत क्रिकेटला सुरुवात झालेली नाही. यादरम्यान टांझानिया क्रिकेट बोर्डाने आपल्या देशात टी२० लीगची सुरुवात केली आहे. टांझानियामध्ये आयोजित केलेल्या या ऍडवान्स प्लेयर्स लीग टी२० स्पर्धेची सुरुवात झाली आहे. या स्पर्धेत ६ संघ भाग घेत आहेत.
९ दिवस चालणाऱ्या या स्पर्धेची सुरुवात ८ ऑगस्टपासून झाली आहे आणि या लीगचे सर्व सामने डर एस सलामच्या जिमखाना मैदानावर खेळले जाणार आहेत. टांझानियासाठी एपीएल टी२० लीग राष्ट्रीय संघाच्या निवडीसाठी खूप महत्त्वपूर्ण स्पर्धा असणार आहे.
मुख्य प्रशिक्षक स्टिव्ह टिलोको या स्पर्धेचे आकलन खूप लक्ष घालून करणार आहेत. ज्यामध्ये चांगली कामगिरी करणाऱ्या खेळाडूंना राष्ट्रीय संघात स्थान मिळू शकते. या स्पर्धेचा अंतिम सामना १६ ऑगस्ट रोजी खेळला जाणार आहे. टांझानियाच्या या लीगचे लाईव्ह स्ट्रिमिंग Yahoocricket या वेबसाईटवर होत आहे. तरीही ही स्पर्धा भारतात टीव्हीवर पाहता येणार नाही.
या लीगमध्ये ६ संघ सामील आहेत. त्यामध्ये सिंबा किंग्ज, चुई चॅलेंजर्स, बफेलो ब्लास्टर, रॉयल रायनोज, टेंबो स्टार्स आणि ट्विगा टायटन्स यांचा समावेश आहे.
याव्यतिरिक्त कॅरेबियन प्रीमियर लीगची सुरुवात होणार आहे. ज्याचे आयोजन १८ ऑगस्टपासून होणार आहे. याच्या तयारीसाठी खेळाडू त्रिनिदाद आणि टोबॅगोमध्ये पोहोचले आहेत तसेच तयारी करत आहेत.
महत्त्वाच्या बातम्या-
-इंग्लंडला बसला मोठा झटका; हा अष्टपैलू खेळाडू पाकिस्तानविरुद्धच्या मालिकेतून पडला बाहेर
-वडील होते हॉस्पिटलमध्ये ऍडमिट, तरीही ‘हा’ खेळाडू उतरला मैदानावर आणि बनला मॅच विनर
ट्रेंडिंग लेख-
-आयपीएलमध्ये एकही षटकार मारता न आलेले 3 खेळाडू
-अशी ४ कारणं, ज्यामुळे राजस्थान आहे आयपीएलचा सर्वात प्रबळ दावेदार
-फिट नाहीत पण हिट आहेत, पोट वाढलेले क्रिकेट जगतातील ३ शिलेदार