आयपीएल इतिहासातील ३ फलंदाज, ज्यांनी डावातील शेवटच्या ३ षटकात कुटल्यात सर्वाधिक धावा

या सामन्यात दिल्ली कॅपिटल्सने प्रथम फलंदाजी करताना २० षटकांत ८ बाद १५२ धावा केल्या. एकवेळ ३ बाद १३ अशी अवस्था असलेल्या संघाला पुढे कर्णधार श्रेयस अय्यर व यष्टीरक्षक रिषभ पंतच्या फलंदाजीने सावरले. त्यानंतर पुन्हा ६ बाद ९६ अशा मोठ्या संकटात संघ सापडला.

त्यानंतर १५व्या षटकात फलंदाजीला आलेल्या मार्कस स्टोयनिसने मात्र जोरदार धमाका केला. त्याने केवळ २१ चेंडूत ७ चौकार व ३ षटकारांच्या मदतीने ५३ धावा केल्या. त्याला केएल राहुल व निकोलस पुरनने धावबाद केले. परंतू धावबाद होण्यापुर्वी त्याने एक खास विक्रम केला. तो आयपीएल सामन्याच्या एका डावातील शेवटच्या ३ षटकात सर्वाधिक धावा करणारा तिसरा फलंदाज ठरला आहे.

त्याने डावातील शेवटच्या ३ षटकात म्हणजे १८, १९ आणि २०व्या षटकात केवळ १४ चेंडूंत ४९ धावा ठोकल्या आहेत. त्याच्या आधी या यादीत आंद्रे रसल दूसऱ्या आणि विराट कोहली अव्वल स्थानावर विराजमान आहे. 3 Batsman In IPL History With Most Runs In Last 3 Overs Of Inning

रॉयल चॅलेंजर्स बेंगलोरचा कर्णधार विराटने २०१६ साली गुजरात लायन्सविरुद्ध खेळताना डावातील शेवटच्या ३ षटकात सर्वाधिक ५७ धावा कुटल्या होत्या. त्याने हा कारनामा केवळ १४ चेंडूत केला होता. तर कोलकाता नाईट रायडर्सकडून खेळताना रसलने गतवर्षी डावातील शेवटच्या ३ षटकात ५० धावा केल्या होत्या. मुंबई इंडियन्सविरुद्धच्या सामन्यात केवळ १७ चेंडूंचा सामना करताना त्याने हा पराक्रम होता.