आयपीएलच्या १३व्या हंगामाला शनिवार मुंबई इंडियन्स विरुद्ध चेन्नई सुपर किंग्ज यांच्यातील सामन्याने संयुक्त अरब अमिरातीमध्ये सुरुवात झाली. चेन्नईने या सामन्यात ५ विकेट्सने मुंबईवर शानदार विजय मिळवला. या सामन्यानंतर रविवारी दिल्ली कॅपिटल्स विरुद्ध किंग्ज इलेव्हन पंजाब संघात आयपीएलचा दुसरा सामना दुबई आंतरराष्ट्रीय स्टेडियम, दुबई येथे खेळला जात आहे.
या सामन्यात दिल्ली कॅपिटल्सने प्रथम फलंदाजी करताना २० षटकांत ८ बाद १५२ धावा केल्या. एकवेळ ३ बाद १३ अशी अवस्था असलेल्या संघाला पुढे कर्णधार श्रेयस अय्यर व यष्टीरक्षक रिषभ पंतच्या फलंदाजीने सावरले. त्यानंतर पुन्हा ६ बाद ९६ अशा मोठ्या संकटात संघ सापडला.
त्यानंतर १५व्या षटकात फलंदाजीला आलेल्या मार्कस स्टोयनिसने मात्र जोरदार धमाका केला. त्याने केवळ २१ चेंडूत ७ चौकार व ३ षटकारांच्या मदतीने ५३ धावा केल्या. त्याला केएल राहुल व निकोलस पुरनने धावबाद केले. परंतू धावबाद होण्यापुर्वी त्याने एक खास विक्रम केला. तो आयपीएल सामन्याच्या एका डावातील शेवटच्या ३ षटकात सर्वाधिक धावा करणारा तिसरा फलंदाज ठरला आहे.
त्याने डावातील शेवटच्या ३ षटकात म्हणजे १८, १९ आणि २०व्या षटकात केवळ १४ चेंडूंत ४९ धावा ठोकल्या आहेत. त्याच्या आधी या यादीत आंद्रे रसल दूसऱ्या आणि विराट कोहली अव्वल स्थानावर विराजमान आहे. 3 Batsman In IPL History With Most Runs In Last 3 Overs Of Inning
रॉयल चॅलेंजर्स बेंगलोरचा कर्णधार विराटने २०१६ साली गुजरात लायन्सविरुद्ध खेळताना डावातील शेवटच्या ३ षटकात सर्वाधिक ५७ धावा कुटल्या होत्या. त्याने हा कारनामा केवळ १४ चेंडूत केला होता. तर कोलकाता नाईट रायडर्सकडून खेळताना रसलने गतवर्षी डावातील शेवटच्या ३ षटकात ५० धावा केल्या होत्या. मुंबई इंडियन्सविरुद्धच्या सामन्यात केवळ १७ चेंडूंचा सामना करताना त्याने हा पराक्रम होता.
महत्त्वाच्या बातम्या-
-षटकार- चौकारांची बरसात करत मार्कस स्टोयनीसने केला अजब कारनामा
-इकडे आयपीएल सुरु असताना ‘त्याने’ तिकडे क्रिकेटमध्येच रचला अनोखा इतिहास
-पहिल्या सामन्यातील ‘किंग’ समजल्या जाणाऱ्या खेळाडूला पंजाबने दाखवला बाहेरचा रस्ता
ट्रेंडिंग लेख-
-पाकिस्तानकडून क्रिकेट खेळणारे पहिले हिंदू अनिल दलपत
-यावर्षी सीएसकेसाठी एक्स फॅक्टर ठरू शकतो ‘हा’ अष्टपैलू खेळाडू