भारत आणि ऑस्ट्रेलिया संघात १७ डिसेंबरपासून ४ कसोटी सामन्यांची बहुप्रतिक्षित मलिका सुरू होणार आहे. या मालिकेपूर्वी माध्यमांशी बोलताना उपकर्णधार अजिंक्य रहाणेने आगामी मालिकेत फिरकीपटू आर अश्विन उत्तम कामगिरी करेल, अशी आशा व्यक्त केली आहे.
अश्विनने मागील ऑस्ट्रेलिया दौऱ्यात (२०१८-१९) पहिल्या कसोटी सामन्यात उत्तम कामगिरी केली होती. अश्विनने ऍडलेड येथे खेळल्या गेलेल्या पहिल्या कसोटी सामन्यातील दोन्ही डावात मिळून ६ बळी मिळवले होते. अश्विनच्या या गोलंदाजीच्या बळावर भारताने ऑस्ट्रेलियाचा पराभव केला होता. मात्र, दुखापतीमुळे अश्विन मालिकेतील पुढील सर्व सामन्यांतून बाहेर झाला होता. या वेळी मात्र अश्विनचा फिटनेस उत्तम जाणवत आहे व भारतीय संघाला त्याच्याकडून उत्तम कामगिरीची अपेक्षा आहे.
मालिकेपूर्वी माध्यमांशी बोलताना उपकर्णधार अजिंक्य रहाणे म्हणाला, “अश्विनची गोलंदाजी संघासाठी फारच महत्त्वाची असणार आहे. आपण सर्वच जाणता की अश्विन हा अनुभवी गोलंदाज आहे. अश्विनकडे गोलंदाजीत विविधता देखील आहे. तो गोलंदाजी सोबतच फलंदाजीत देखील उत्तम कामगिरी करेल, अशी मला खात्री आहे.”
अश्विनने आतापर्यंत ७१ कसोटी सामने, १११ वनडे सामने आणि ४६ आंतरराष्ट्रीय टी२० सामने खेळले आहेत. त्यात कसोटीमध्ये त्याने २५.४३ च्या सरासरीने ३६५ बळी घेतले आहेत. वनडेत त्याने ३२.९१ च्या सरासरीने १५० बळी घेतले आहेत, तर टी२०त त्याने २२.९४ च्या सरासरीने ५२ बळी घेतले आहेत.
महत्त्वाच्या बातम्या-
‘टी२० क्रिकेटमध्ये गोलंदाज लवकर गुडघे टेकतात,’ ऑस्ट्रेलियन दिग्गज फिरकीपटूचे रोखठोक मत
लंका प्रीमियर लीगमधील अंतिम सामन्याची संपूर्ण माहिती, जाणून घ्या एका क्लिकवर
नववर्षात वेस्ट इंडिज करणार बांगलादेशचा दौरा, ‘या’ कारणामुळे टी२० मालिका रद्द