अर्जेंटिनाने रविवारी अंतिम सामन्यात नेमारच्या ब्राझील संघाला पराभूत करून कोपा अमेरिका 2021 चे विजेतेपद जिंकले आहे. हे विजेतेपद जिंकल्यामुळे मेस्सीच्या संघाची 28 वर्षांची कोपा अमेरिका ट्रॉफीची प्रतीक्षा संपली आहे. विजेतेपद जिंकल्यानंतर सर्वात जास्त आनंद अर्जेंटिनाचा कर्णधार लिओनल मेस्सीला झाला होता. या विजयाचा आनंद खेळाडूंनी मैदानावर देखील खूप उत्साहात साजरा केला होता. त्याचबरोबर मेस्सी अर्जेंटिनाला परत गेल्यानंतर त्याच्या पत्नीने त्याचे जोरदार स्वागत केले, ज्याचा व्हिडिओ सोशल मीडियावर व्हायरल झाला आहे.
कोपा अमेरिका ट्रॉफी जिंकल्यानंतर कर्णधार लिओनल मेस्सीसह सर्व खेळाडू अर्जेंटिनाला परतले आहेत. अर्जेंटिनामध्ये त्यांचे संघासह धूमधडाक्यात स्वागत करण्यात आले. त्याचबरोबर मेस्सीची पत्नी एंटोनेला रक्कुजो देखील विमानतळावर स्वागत करण्यासाठी आली होती.
मेस्सी येताच एंटोनेला त्याच्याकडे धावत गेली आणि त्याला मिठी मारली. ज्याचा व्हिडिओ सोशल मीडियावर मोठ्या प्रमाणात व्हायरल होत आहे. या विजयानंतर मेस्सीने पत्नी एंटोनेला रक्कुजोला मैदानावर असताना व्हिडिओ कॉल करूनही विजयाचा आनंद व्यक्त केला होता.
Lionel Messi meeting his wife for the first time after Copa America😍🇦🇷
— V (@TotalLeoMessi) July 11, 2021
रविवारी अर्जेंटिनाच्या संघाने ब्राझिलच्या रिओ दि जानेरो मधील माराकाना स्टेडियमवर ऐतिहासिक विजय मिळवला. कोपा अमेरिका 2021 च्या अंतिम सामन्यात अर्जेंटिनाने ब्राझीलला 1-0 ने पराभूत केले. या अंतिम सामन्यात एंजेल डि मारियाने 22 व्या मिनिटाला ब्राझीलविरूद्ध गोल करून अर्जेंटिनाला आघाडी मिळवून दिली होती. ही आघाडी सामन्याच्या शेवटपर्यंत कायम राखून ठेवण्यात अर्जेंटिना संघाला यश मिळाले.
अर्जेंटिनाने 28 वर्षाच्या प्रतीक्षेनंतर विजेतेपदाला गवसणी घातली. या विजयासह अर्जेंटिनाने 15 वे कोपा अमेरिका विजेतेपद मिळवले आहे.
महत्त्वाच्या बातम्या-
विजयाचा जल्लोषात इटलीच्या समर्थकांनी ओलांडल्या सर्व सीमा, एकाचा मृत्यू; १५ गंभीर जखमी
युरो कपनंतर न्यूझीलंडचा क्रिकेटपटूंना आली २०१९ विश्वचषकाची आठवण, इंग्लंड संघाला केले ट्रोल
