भारतीय क्रिकेट बोर्डाने भारतीय संघाचं ऑस्ट्रेलिया दौऱ्यावर पूर्ण वेळापत्रक जाहीर केलं आहे. भारतीय संघ ऑक्टोबर 2025 मध्ये ऑस्ट्रेलिया दौऱ्यावर जाणार आहेत. येथे वनडे आणि टी-20 मालिका खेळल्या जाणार आहेत. रोहित शर्मा आणि विराट कोहली वनडे मालिकेचा हिस्सा असू शकतात. तसेच टी20 मालिकेसाठी सूर्यकुमार यादव किंवा हार्दिक पांड्या यांच्यामध्ये कोणाला तरी कर्णधार पदाची जबाबदारी मिळू शकते. याच्यावर कोणतीही अजून अधिकृत माहिती मिळालेली नाही.
बीसीसीआयने सोमवारी एक्स वर पोस्ट शेअर केली आहे. बोर्डाने याच्या माध्यमातून सांगितले आहे की, टीम इंडिया यावर्षी ऑस्ट्रेलिया दौऱ्यावर जाणार आहे. भारताची ऑस्ट्रेलिया दौऱ्यावर जाण्याची माहिती आधी मिळाली होती, पण याची अधिकृत घोषणा सोमवारी करण्यात आली आहे. भारतीय पुरुष संघ दौऱ्यावर तीन वनडे आणि पाच टी20 मालिका खेळणार आहे. तसेच भारतीय महिला संघ फेब्रुवारी 26 मध्ये ऑस्ट्रेलिया दौऱ्यावर जाणार आहे. ते तिथे वनडे आणि टी-20 मालिकेसोबत एक कसोटी सामना सुद्धा खेळणार आहेत.
भारतीय संघ 19,23 आणि 25 ऑक्टोबर रोजी वनडे मालिका खेळणार आहे. मालिकेतील पहिला सामना पर्थ, दुसरा एडिलेड आणि तिसरा सामना सिडनीमध्ये खेळला जाणार आहे. तसेच 29 ऑक्टोबर पासून 8 नोव्हेंबर पर्यंत टी20 मालिका खेळली जाईल.
भारतीय महिला संघ पुढच्या वर्षी ऑस्ट्रेलिया दौऱ्यावर जाईल. तेथे 15 फेब्रुवारी 19 फेब्रुवारी आणि 21 फेब्रुवारी रोजी टी20 सामने खेळेल. मालिकेतील पहिला सामना सिडनी, दुसरा कैनबरा आणि तिसरा एडिलेडमध्ये खेळला जाईल. यानंतर 24 फेब्रुवारी, 27 फेब्रुवारी, आणि 1 मार्च रोजी वनडे सामने खेळले जातील. तसेच एक कसोटी सामना 6 मार्च रोजी खेळला जाईल.
