जगभरातील सर्वात मोठी आणि प्रसिद्ध टी२० लीग म्हणजेच आयपीएल २०२२ बाबत मोठी बातमी समोर येत आहे. आयपीएलच्या १५ व्या हंगामाला येत्या २६ मार्चपासून सुरुवात होणार असल्याचे वृत्त आहे. हा निर्णय गुरुवारी (२४ फेब्रुवारी) आयपीएल गव्हर्निंग काऊंसिलच्या बैठकीत घेण्यात आला.
या हंगामात १० संघ सहभागी होणार आहेत. लखनऊ सुपर जायंट्स आणि गुजरात टायटन्स हे दोन नवीन संघ जोडले गेले आहेत.
क्रिझबझने दिलेल्या वृत्तानुसार, ही स्पर्धा महाराष्ट्रात, मुंबईतील ३ स्टेडियम आणि पुण्यातील एका स्टेडियमवर होणार आहे. मुंबई, वानखेडे, ब्रेबॉर्न आणि डीवाय पाटील स्टेडियममध्ये ५५ सामने होणार आहेत, तर पुण्याच्या एमसीए स्टेडियमवर १५ सामने होणार आहेत.
आयपीएलचे अध्यक्ष ब्रिजेश पटेल यांनी या बातमीला दुजोरा दिला आहे. त्यांनी खुलासा केला आहे की, आयपीएल २०२१ ज्याप्रकारे ही स्पर्धा रिकाम्या स्टँडसमोर खेळवली गेली, त्याप्रकारे या हंगामात खेळवली जाणार नाही. “आयपीएल २०२२ची स्पर्धा २६ मार्च रोजी सुरू होईल. पूर्ण वेळापत्रक लवकरच येईल. या स्पर्धेत प्रेक्षकांना प्रवेश दिला जाईल, पण महाराष्ट्र सरकारच्या धोरणांनुसार. स्टेडियमच्या क्षमतेच्या २५ किंवा ५० टक्के हे सरकारच्या सूचनेनुसार ठरवले जाईल,” असे आयपीएल अध्यक्षांनी क्रिकबझला सांगितले.
🚨 JUST IN 🚨#IPL2022 will kick off on March 26.
The decision was taken at a meeting of the IPL Governing Council today, reports @vijaymirror.https://t.co/Ef2dqRydZe
— Cricbuzz (@cricbuzz) February 24, 2022
या वृत्तामध्ये असेही सांगितले आहे की, ही स्पर्धा बंद दरवाजाआड आयोजित केली जाणार नाही. तसेच सरकारची परवानगी घेऊन प्रेक्षकांना परवानगी दिली जाईल.
ही स्पर्धा २९ मेपर्यंत चालणार असून प्लेऑफचे ठिकाण अद्याप निश्चित झालेले नाही.
लिलावात विकले गेले ‘इतके’ खेळाडू
नुकत्याच झालेल्या लिलावात एकूण २०४ खेळाडूंना खरेदी करण्यात आले. यापूर्वी ३३ खेळाडू कायम ठेवण्यात आले होते. म्हणजेच एकूण २३७ खेळाडू या स्पर्धेत खेळणार आहेत. यावेळी १० संघ असल्यामुळे भारतीय खेळाडूंना अधिक संधी मिळण्याची अपेक्षा आहे. या स्पर्धेत चांगला खेळ दाखवून ते भारतीय संघातही स्थान मिळवू शकतात.
महत्वाच्या बातम्या-
केवळ तिलकरत्ने दिल्शानला जमलेला तसा विक्रम न्यूझीलंडच्या एमीलिया केरने केलाय, तोही भारताविरुद्ध
शेन वॉर्नसाठी सचिन नाहीये ‘गॉड ऑफ क्रिकेट’, पाहा कोणाचं घेतलंय नाव
टी२०मध्ये ७००० धावा अन् २०० विकेट्स! पाकिस्तानी क्रिकेटपटूची छोट्या क्रिकेट प्रकारात मोठी कामगिरी