आगामी आयसीसी चॅम्पियन्स ट्राॅफीचे (ICC Champion’s Trophy 2025) यजमानपद पाकिस्तानकडे आहे. चॅम्पियन्स ट्राॅफी पुढच्या वर्षी फेब्रुवारी-मार्च दरम्यान होणार आहे. पण भारतीय संघ चॅम्पियन्स ट्राॅफी खेळण्यासाठी पाकिस्तानमध्ये जाणार की नाही? अद्याप स्पष्ट झालं नाही. भारतानं पाकिस्तानमध्ये ही स्पर्धा खेळण्यासाठी जायचं की नाही हा निर्णय सरकार घेईल. तत्पूर्वी भारताचा माजी स्टार फिरकीपटू हरभजन सिंगनं (Harbhajan Singh) भारताने पाकिस्तानमध्ये जावं की नाही? यावर मोठं वक्तव्य केलं आहे.
हरभजन सिंग (Harbhajan Singh) स्पोर्ट्स तकशी बोलताना म्हणाला की, “पाकिस्तानमध्ये सुरक्षेची चिंता आहे. पण खेळाडूंसाठी कडक सुरक्षा बंदेबस्त असेल, तर भारतानं नक्कीच पाकिस्तानमध्ये गेलं पाहिजे. जर ते म्हणत असतील संघाची कडक सुरक्षा केली जाईल, तर तिथं जाण्यात काही हरकत नाही. बाकी निर्णय सरकारचा आहे. हा निर्णय केवळ भारतीय संघासाठी अवलंबून नसून तो संपूर्ण भारतासाठी आहे. भारतीय खेळाडूंनी तोपर्यंत तिथं नाही गेलं पाहिजे, जोपर्यंत आम्हाला वाटत नाही, की तेथील सुरक्षा बंदोबस्त कडक करण्यात आला आहे.”
भारतीय नियामक मंडळाने (BCCI) देखील म्हटलं आहे, की पाकिस्तानमध्ये चॅम्पियन्स ट्राॅफी स्पर्धेसाठी जाणे हा निर्णय सरकारचा आहे. 2023च्या आशिया चषकासाठी देखील भारतीय संघ पाकिस्तानमध्ये गेला नव्हता. त्यावेळी हे सामने ‘हायब्रीड माॅडेल’ प्रकारात खेळवले गेले होते. त्यावेळी भारताने हे सामने श्रीलंकेत खेळले होते. आगामी चॅम्पियन्स ट्राॅफीपूर्वी बीसीसीआयचे सचिव जय शाह (Jay Shah) आयसीसीचे अध्यक्ष बनले आहेत. त्यामुळे चर्चांना उधाण आलं होतं की, ही स्पर्धा पाकिस्तानमध्ये होणार नाही.
महत्त्वाच्या बातम्या-
VIDEO; बाऊन्सरच्या फटक्यात कोसळला ‘हा’ पाकिस्तानी खेळाडू
धोनी, कोहली नाही ‘हा’ भारतीय जगातील सर्वोत्तम क्षेत्ररक्षक! जाॅन्टी रोड्सचा मोठा खुलासा
55 चेंडू, 165 धावा; लखनऊच्या फलंदाजाचा कहर; टी20 सामन्यात तब्बल 300+ धावा