कॉमनवेल्थ गेम्स 2022 मध्ये देशासाठी कांस्यपदक जिंकणारी कुस्तीपटू पूजा सिहाग हिच्यावर दु:खाचा डोंगर कोसळला आहे. सिहागचा पती अजय नंदल याचा मृत्यू झाला आहे. पूजाने CWG 2022 मध्ये महिलांच्या फ्रीस्टाइलच्या 76 किलो वजनी गटात कांस्यपदक जिंकले होते. आतापर्यंत मिळालेल्या माहितीनुसार, अजय आणि त्याच्या दोन साथीदारांनी मद्यपान केले होते, त्यानंतर अजयचा मृत्यू झाला आहे, तर इतर दोघांची प्रकृती चिंताजनक आहे. पोलीस सध्या या प्रकरणाचा तपास करत आहेत.
अजय नंदलही होता कुस्तीपटू
गेल्या वर्षी नोव्हेंबरमध्ये पूजाचे अजय नंदलसोबत लग्न झाले होते. पती-पत्नी दोघेही नावाजलेले पैलवान होते. नंदलने राष्ट्रीय स्तरावर कुस्तीत आपला झेंडा रोवला आहे. त्याचे जवळचे मित्र सोनू आणि रवी या आणखी दोन कुस्तीपटूंची प्रकृती चिंताजनक असल्याचे सांगण्यात येत आहे. या प्रकरणात पोलिसांनी गुन्हा दाखल केला असून तपास सुरू आहे.
महास्पोर्ट्सच्या व्हॉट्सअप ग्रुप जॉईन करण्यासाठी या लिंकवर क्लिक करा
महत्त्वाच्या बातम्या-
आंतरराष्ट्रीय क्रिकेटमधील लेडी रनमशीन मिताली आता करणार ‘राज’कारण! भाजप प्रवेशाची चर्चा
आशिया चषकाच्या धामधूमीत टीम इंडियाच्या ‘राहुल’ची आंतरराष्ट्रीय क्रिकेटमधून निवृत्ती
