इंडियन प्रीमियर लीग 2023मध्ये दिल्ली कॅपिटल्सने शनिवारी (20 मे) आपला शेवटचा सामना चेन्नई सुपर किंग्जविरुद्ध खेळला. गुणतालिके दिल्ली संघ 9 व्या क्रमांकावर असून शनिवारी त्यांना तब्बल 77 धावांनी पराभव स्वीकारावा लागला. वॉर्नरच्या नेतृत्वातील संघ यावर्षी अपयशी ठरला, पण त्याचे वैयक्तिक प्रदर्शन मात्र चमकदार राहिले. वॉर्नर क्रिकेटच्या मैदानाप्रमाणेच सोशल मीडियावर देखील चांगलाच सक्रिय असतो. नुकतीच त्याने एका मुलाखतीत आपल्या पहिल्या व्हायरल व्हिडिओची आठवण काढली.
ऑस्ट्रेलियन संघाचा दिग्गज सलामीवीर डेविड वॉर्नर (David Warner) याने नवनवीन फोटो आणि व्हिडिओ सोशल मीडियावर व्हायरल होत असतात. वॉर्नर आपल्या लहान मुलींसोबतही अनेकदा व्हिडिओ शेअर करत असतो. टिकटॉक या सोशल मीडिया ऍपवर भारतात आज बंदी असली, तरी कोरोना महामारीच्या काळात हेच टिकटॉक भारतीतल सर्वात लोकप्रिय ऍप्सपैकी एक होते. टिकटॉकच्याच माध्यमातून वॉर्नरला भारतीय चाहत्यांचे सोशल मीडियावर प्रेम मिळू लागले होते. आज वॉर्नर इंस्टाग्रामवर रिल्सच्या माध्यमातून असे व्हिडिओ शेअर करत आहेत.
“मला आधी माहीत नव्हते की, टिकटॉक काय आहे. पण कोविड-19 महामारी सुरू झाल्यानंतर मी विचार केल की, हे नेमकं काय आहे हे आपण पाहिलं पाहिजे. मला फक्त ‘शिला की जवानी’ आणि इतर काही गाणी माहीत होती, जी भारतात प्रसिद्ध होती. त्यामुळे मी यावर डान्स केला आणि माझ्या मुलींनीही पारंपारिक भारतीय कपड्यांमध्ये यात सहभाग घेतला. त्यानंतर अचानक टिकटॉक इंडियना मला इतर काही बॉलिवूड गाणे आजमावण्यास सांगितले. हैदराबादच्या लोकांचीही इच्छा होती की मी, ‘बुट्टा बोम्मा’ गाण्यावर डांस केला पाहिजे. अशात मी त्या गाण्यावरही व्हिडिओ केला आणि तो खूप लोकप्रिय देखील झाला.”
डेविड वॉर्नरने यावर्षी आयपीएलमध्ये लीग स्टेजच्या 14 सामन्यांमध्ये 516 धावा केल्या आहेत. या धावा त्याने 36.85च्या सरासरीने केल्या असून हंगामात एकूण 6 अर्धशतके केली आहेत. दरम्यान वॉर्नरसाठी हा सातवा आयपीएल हंगाम आहे, ज्यामध्ये त्याने 500 किंवा त्यापेक्षा जास्त धावा केल्या आहेत. (David Warner talked about the fame he got on TikTok)
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
‘ही’ बीसीसीआयच्या कानाखाली चपराक असेल! शाहिद आफ्रिदीच्या बेताल वक्तव्याने भारतात खळबळ
Video : चाहत्यांकडून ईडन गार्डन्समध्ये ‘कोहली-कोहली’ नावाची आरडाओरड, नवीनने दिली ‘अशी’ रिऍक्शन
