मुंबई । ऑस्ट्रेलियाचा वनडे संघाचा कर्णधार अ‍ॅरोन फिंचने कबूल केले की त्याची कसोटी कारकीर्द संपली आहे. कसोटी क्रिकेटमध्ये पुन्हा खेळणे हे त्याला वास्तविकतेच्या पलीकडे दिसते. ऑस्ट्रेलियन कसोटी संघात स्थान मिळवण्यासाठी तो प्रथम श्रेणी क्रिकेटमध्ये पुरेसे सामने खेळत नसल्याचे फिंच यांनी सांगितले. 2023 मधील भारतातील वनडे विश्वचषक ही शेवटची स्पर्धा असल्याचेही सुतोवाच त्याने केले.
फिंच म्हणाला की, “रेड बॉल क्रिकेटचा विचार करायचा झाल्यास, कसोटी क्रिकेटमध्ये माझे खेळणे पुन्हा वास्तवात असल्याचे दिसत नाही. दोन गोष्टी लक्षात ठेवून मी हे सांगत आहे. पहिला म्हणजे माझा दावा बळकट करण्यासाठी मी चार दिवसीय सामने खेळत नाही आहे आणि दुसरे म्हणजे युवा फलंदाज पुढे येत आहेत. ऑस्ट्रेलियाकडे अव्वल क्रमात काही चांगले तरुण फलंदाज आहेत.”
तो म्हणाला, “प्रतिभेची कमतरता नाही आणि म्हणून प्रामाणिकपणाने सांगतो की मला अशी काही संधी आहे असे वाटत नाही. मी प्रथम येथे एक क्लब खेळाडू म्हणून आलो तेव्हापासून मला येथे प्रथम फलंदाजी करायला आवडायला लागली. कारण मला वाटते टी 20 मध्ये सहा काउन्टी हंगामांमध्ये खेळणे आणि चार दिवसांच्या सामन्यांमध्ये भाग घेतल्याने मदत झाली,” असे फिंच याने सांगितले.
इंग्लंडमध्ये हा 33 वर्षीय फलंदाज यशस्वी ठरला आहे. इंग्लंडमध्ये वनडेमध्ये 1000 धावा पूर्ण करण्यापासून तो केवळ 28 धावा दूर आहे. फक्त रिकी पॉन्टिंग, अ‍ॅडम गिलख्रिस्ट आणि मायकेल क्लार्कने त्यांच्यापेक्षा जास्त धावा केल्या आहेत.
फिंचने आपल्या कारकीर्दीत फक्त पाच कसोटी सामने खेळले आहेत. आतापर्यंत त्याने 126 वनडे आणि 61 टी -20 आंतरराष्ट्रीय सामने खेळले आहेत. सध्या ऑस्ट्रेलिया तीन वनडे आणि तीन टी -20 सामने खेळण्यासाठी इंग्लंडच्या दौर्‍यावर आहे.