इंग्लंड अँड वेल्स क्रिकेट बोर्ड (ईसीबी) ला कोविड १९ महामारीमुळे १० करोड पौंडचा तोटा झाला असल्याने ते कामगारांची संख्या २० टक्क्यांनी कमी करण्याचा विचार करीत आहे.
ईसीबीचे मुख्य कार्यकारी अधीकारी टॉम हॅरिसन यांनी अर्थसंकल्पाचा आढावा घेतल्यानंतर सांगितले की, पुढच्या वर्षी साथीचा प्रादुर्भाव कायम राहिल्यास ही रक्कम २० करोड पौंड एवढी वाढू शकते.
“यामध्ये आमच्या कर्मचार्‍यांच्या पगारात २० टक्के कपात केली जाणार आहे. जी आमच्या रचनेतून ६२ भूमिका काढून घेण्याच्या बरोबरीची आहे,” असे हॅरिसन यांनी एका निवेदनात म्हटले आहे.
सध्या एवढी आव्हाने असूनही, कोरोना महामारीच्या काळात आंतरराष्ट्रीय क्रिकेट पुन्हा सुरू करणारा इंग्लंड पहिला देश आहे. त्यांनी वेस्ट इंडिज, आयर्लंड, पाकिस्तान आणि आता ऑस्ट्रेलियासमवेत जैव-सुरक्षित वातावरणात मालिकांचे आयोजन केले.
कोविड १९ महामारीमुळे होणार्‍या आर्थिक संकटाच्या पार्श्वभूमीवर क्रिकेट ऑस्ट्रेलियाने जूनमध्ये ४९ कामगारांना काढून टाकले. यामध्ये प्रशिक्षक जस्टीन लँगरचा सहकारी राहिलेल्या ग्रॅमी हिकचा देखील समावेश होता. एवढेच नव्हे तर त्यांनी २०० हून अधिक कर्मचार्‍यांच्या पगारामध्येही कपात केली होती.
