कोरोना महामारीमुळे बंद असलेले भारतीय क्रिकेट अखेर सुरू होणार आहे. भारत आणि इंग्लंड यांच्या दरम्यान होणारी बहुचर्चित कसोटी मालिका फेब्रुवारी महिन्यात खेळवण्यात येईल. भारतीय क्रिकेट नियामक मंडळ आणि इंग्लंड-वेल्स क्रिकेट बोर्डाने संयुक्तरीत्या याची घोषणा केली आहे. विशेष म्हणजे या दौऱ्यातील संपूर्ण वनडे मालिकाच पुण्यात खेळली जाणार आहेत.
दोन्ही बोर्डांनी केली दौऱ्याची अधिकृत घोषणा
इंग्लंड क्रिकेट संघाचा भारत दौरा पुढील वर्षाच्या सुरुवातीला खेळविण्याचे नियोजित होते. मात्र, कोरोना महामारीमुळे हा दौरा युएईमध्ये खेळवला जाण्याची शक्यता वर्तवली जात होती. परंतु आता बीसीसीआय व ईसीबीच्या सचिवांनी अधिकृतपणे हा दौरा होणार असल्याचे जाहीर केले आहे. या दौऱ्यावर इंग्लंड संघ ४ कसोटी, ५ टी२० व ३ वनडे सामने खेळेल.
कसोटी मालिकेने होईल दौर्याची सुरुवात
भारत आणि इंग्लंड यांच्यातील मालिकांची सुरुवात कसोटी मालिकेने होईल. मालिकेतील पहिले दोन सामने चेन्नई येथील चेपॉक स्टेडियमवर होतील. त्यानंतर, उर्वरित दोन सामने नव्याने बांधण्यात आलेल्या अहमदाबाद येथील मोटेरा स्टेडियमवर खेळवले जातील. मालिकेतील तिसरा सामना दिवस-रात्र स्वरूपाचा होईल. कसोटी मालिकेतील पहिला सामना ५ फेब्रुवारीपासून खेळला जाणार आहे.
वनडे मालिका पुण्यात, तर टी२० मालिका अहमदाबाद येथे खेळवली जाणार
कसोटी मालिकेच्या समाप्तीनंतर अहमदाबाद येथे पाच सामन्यांची टी२० मालिका १२ मार्चपासून खेळवली जाईल. त्यानंतर, २३ मार्चपासून पुणे येथे तीन सामन्यांच्या वनडे मालिकेला सुरुवात होईल. संपूर्ण दौऱ्यावरील सामने चेन्नई, अहमदाबाद व पुणे या तीन शहरात खेळविले जातील.
हा संपूर्ण दौरा जैव-प्रतिबंधक वातावरण खेळवला जाईल. नव्याने बांधण्यात आलेल्या अहमदाबाद येथील मोटेरा स्टेडियमवर दौऱ्यातील सर्वाधिक सात सामने खेळविले जातील. मोटेरा स्टेडियमची प्रेक्षकक्षमता १ लाख १० हजार इतकी आहे. सध्या सुरू असलेल्या जागतिक कसोटी चॅम्पियनशिपच्या अनुषंगाने उभय संघातील कसोटी मालिकेला अनन्यसाधारण महत्त्व प्राप्त झाले आहे.
इंग्लंडचा भारत दौरा-
कसोटी मालिका
पहिला कसोटी सामना- ५-९ फेब्रुवारी २०२१ (चेन्नई)
दुसरा कसोटी सामना- १३-१७ फेब्रुवारी २०२१ (चेन्नई)
तिसरा कसोटी सामना- २४-२८ फेब्रुवारी २०२१ (अहमदाबाद)
चौथा कसोटी सामना- ४-८ मार्च २०२१ (अहमदाबाद)
टी२० मालिका
पहिला टी२० सामना- १२ मार्च २०२१ (अहमदाबाद
दुसरा टी२० सामना- १४ मार्च २०२१ (अहमदाबाद)
तिसरा टी२० सामना- १६ मार्च २०२१ (अहमदाबाद)
चौथा टी२० सामना- १८ मार्च २०२१ (अहमदाबाद)
पाचवा टी२० सामना- २० मार्च २०२१ (अहमदाबाद)
वनडे मालिका
पहिला वनडे सामना- २३ मार्च २०२१ (पुणे)
दुसरा वनडे सामना- २६ मार्च २०२१ (पुणे)
तिसरा वनडे सामना- २८ मार्च २०२१ (पुणे)
महत्त्वाच्या बातम्या-
टी२० विश्वचषकात ‘या’ खेळाडूने करावे भारतीय संघाचे नेतृत्त्व; पार्थिव पटेलने मांडले मत
तब्बल १० खेळाडू कसोटी मालिकेपूर्वी परतणार भारतात, पाहा संपूर्ण यादी
ट्रेंडिंग लेख-
शाहरुख खानच्या ५ क्रिकेटवरील जाहिराती, ज्यांनी एकवेळी घातला होता धुमाकूळ
अठरा वर्षांची ‘छोटीशी’ क्रिकेट कारकीर्द खेळलेला ‘पार्थिव पटेल’
अवघ्या अठराव्या वर्षी पार्थिव पटेल खेळला चक्क विश्वचषक; वाचा कशी झाली कारकिर्दीची सुरुवात