एफआयएच हॉकी पुरुष ज्युनियर विश्वचषक भारतात होणार आहे. ही स्पर्धा तामिळनाडूमध्ये होणार आहे. या स्पर्धेत पहिल्यांदाच 24 संघ सहभागी होत आहेत. त्यापैकी एक पाकिस्तान संघ आहे. पहलगाम दहशतवादी हल्ल्यानंतर दोन्ही देशांमधील संबंध बिघडल्यानंतर आता पहिल्यांदाच पाकिस्तानचा संघ भारत दौरा करू शकतो. इतकेच नाही तर या स्पर्धेसाठी भारत-पाकिस्तानला एकाच पूलमध्ये ठेवण्यात आले आहे. हॉकी पुरुष ज्युनियर विश्वचषकासाठी सर्व 24 संघांना 6 पूलमध्ये ठेवण्यात आले आहे. आता पुन्हा एकदा चाहत्यांना क्रीडा मैदानावर भारत-पाकिस्तान युद्ध पाहायला मिळेल.
एफआयएच पुरुष हॉकी ज्युनियर विश्वचषक जर्मनीने शेवटचा जिंकला होता. अंतिम सामन्यात जर्मनीने फ्रान्सचा 1-1 असा पराभव करून विजेतेपद पटकावले.
या प्रसंगी बोलताना हॉकी इंडियाचे सरचिटणीस भोलानाथ सिंग म्हणाले, “आज हॉकी जगतासाठी एक ऐतिहासिक क्षण आहे कारण आपण 24 देशांच्या सहभागासह पहिल्यावहिल्या एफआयएच ज्युनियर पुरुष हॉकी विश्वचषकासाठी पूल ड्रॉ पाहत आहोत. हॉकी इंडियाच्या वतीने मी भारताचे माननीय पंतप्रधान नरेंद्र मोदी यांचे देशभरातील हॉकी आणि त्याच्या खेळाडूंना दिलेल्या दृढ पाठिंब्याबद्दल मनापासून आभार मानतो.”
