शाहीन आफ्रिदीला सोडा, ‘हा’ गोलंदाज देऊ शकतो भारताला टेन्शन; माजी दिग्गजाने केले सावध

येत्या काही दिवसांमध्ये क्रिकेटप्रेमींना भारत विरुद्ध पाकिस्तान यांच्यात होणाऱ्या सामन्याचा आनंद लुटण्याची सुवर्णसंधी लाभणार आहे. 23 ऑक्टोबर रोजी मेलबर्न क्रिकेट ग्राऊंडमध्ये हा सामना पाहण्यासाठी जवळपास 1 लाख चाहते उपस्थित राहणार आहेत. मागील विश्वचषकात पाकिस्तानविरुद्ध झालेल्या दारुण पराभवाचा बदला भारतीय संघ घेण्याच्या विचारात असेल. अशात काही दिवसांमध्ये होणाऱ्या महत्त्वाच्या सामन्यात पाकिस्तानचा वेगवान गोलंदाज शाहीन शाह आफ्रिदी हा दुखापतीतून पुनरागमन करत आहे. तसेच, तो भारतासाठी धोका असल्याचे म्हटले जात आहे.

शाहीन शाह आफ्रिदी (Shaheen Shah Afridi) याला भारतासाठी धोका म्हटले जाण्यामागील कारण म्हणजे त्याने मागील वर्षी शानदार गोलंदाजी करत फलंदाजांना त्रास दिला होता. मात्र, भारतीय संघाचा माजी सलामीवीर आणि आताचा समालोचक आकाश चोप्रा (Aakash Chopra) याचा असा विश्वास आहे की, शाहीन आफ्रिदीपेक्षाही भारताला मोठा धोका वेगवान गोलंदाज हॅरिस रौफ (Haris Rauf) याच्याकडून आहे.

आकाश चोप्राचे ट्वीट
आकाश चोप्रा याने ट्वीटमार्फत आपले मत मांडले आहे. तो म्हणाला की, “मला वाटते, रविवारी चिंता वाढवणारा गोलंदाज शाहीन नाहीये, तर तो हॅरिस रौफ आहे. आफ्रिदी सध्या त्याचे सर्वोत्तम देण्याच्या जवळ पोहोचत आहे, पण तो अजून तसे करू शकला नाहीये. अशात 23 ऑक्टोबर रोजी होणाऱ्या सामन्यात असे काही होण्याची शक्यताही नाहीये. दुसरीकडे, रौफ जबरदस्त गोलंदाजी करेल आणि त्याच्याकडे सामन्यात मोठा बदल करण्याची क्षमता आहे.”

But I do feel the bowler to be wary of on Sunday isn’t Shaheen. It’s Haris Rauf. Afridi is getting close to his best but isn’t there yet…and unlikely to be by the 23rd either. Rauf will bowl the tougher overs and has the potential to make a difference. #IndvPak #T20WorldCup

— Aakash Chopra (@cricketaakash) October 19, 2022

आशिया चषकातून बाहेर होता आफ्रिदी
शाहीन शाह आफ्रिदी दुखापतीमुळे आशिया चषकाचा भाग नव्हता. पाकिस्तानसाठी मागील काही महिन्यांपासून हॅरिस रौफ जबरदस्त गोलंदाजी करत आहे. पाकिस्तान संघात वेगवान गोलंदाज म्हणून त्याने शानदार कामगिरी केली आहे. यामध्ये आफ्रिदी आणि रौफव्यतिरिक्त युवा मोहम्मद हसनैन, नसीम शाह, मोहम्मद वसीम ज्युनिअर आणि शाहनवाज धानी उपस्थित आहे. हे सर्व गोलंदाज त्यांच्या गती आणि लाईन लेंथसाठी ओळखले जातात.

अशात भारत- पाकिस्तान सामन्यात कोणता संघ बाजी मारतो, हे पाहण्यासाठी चाहत्यांपासूनच अनेक दिग्गज खेळाडूही उत्सुक आहेत.

महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
याला काय अर्थय! रोवमनच्या चुकीमुळे सहकारी झाला बाद, वरून त्यालाच दाखवला आपला राग; पाहा व्हिडिओ
जमलंय बघा! विराट कोहलीने केली ‘पुष्पा’मधील सुपरहिट ऍक्शन, व्हिडिओ जोरदार व्हायरल
दुख, दर्द, पीडा! विश्वचषक खेळण्यासाठी सोडली मोठी ऑफर, पाकिस्तान संघातूनही सानियाचा पती बाहेर