भारतीय संघासाठी मायदेशात झालेल्या वेस्ट इंडिजविरुद्धच्या मर्यादित षटकांच्या मालिका अतिशय चांगल्या राहिल्या आहेत. या मालिकांमध्ये भारताने अजेय राहत वेस्ट इंडिजला ३-० ने क्लिन स्वीप केले आहे. भारत विरुद्ध वेस्ट इंडिज (IND vs WI) यांच्यातील टी२० मालिका (T20 Series) संपल्यानंतर आंतरराष्ट्रीय क्रिकेट काउंसिलने (आयसीसी) ताजी टी२० क्रमवारी (ICC T20 Ranking) जाहीर केली आहे. या क्रमवारीत भारताचा मधल्या फळीतील फलंदाज सूर्यकुमार यादव (Suryakumar Yadav) आणि अष्टपैलू वेंकटेश अय्यर (Venktesh Iyer) यांना मोठा फायदा झाला आहे.
सूर्यकुमार आणि वेंकटेशने वेस्ट इंडिजविरुद्धच्या टी२० मालिकेत धमाल माजवली होती. त्यांनी आपल्या बॅटच्या प्रदर्शनाने विरोधी वेस्ट इंडिजच्या गोलंदाजांच्या नाकी नऊ आणली होती. सूर्यकुमार या मालिकेत सर्वाधिक धावा करण्याच्या यादीत अव्वलस्थानी राहिला आहे. तर वेंकटेश वेस्ट इंडिजविरुद्ध सर्वाधिक धावा करणारा दुसरा भारतीय फलंदाज आहे. सूर्यकुमारने ३ टी२० सामन्यांमध्ये मिळून एका अर्धशतकाच्या जोरावर सर्वाधिक १०७ धावा केल्या आहेत. तर वेंकटेश ९२ धावांसह दुसरा सर्वाधिक धावा करणारा भारतीय फलंदाज आहे.
तसेच या दोन्ही फलंदाजांमध्ये पाचव्या विकेटसाठी मोठ्या भागिदारीही झाल्या आहेत. पहिल्या टी२० सामन्यात भारतीय संघाला विजयासाठी ४५ चेंडूंमध्ये ६५ धावांची आवश्यकता असताना या दोन्ही फलंदाजांनी ताबडतोब भागीदारी करत संघाला विजय मिळवून दिला होता. तर तिसऱ्या आणि शेवटच्या टी२० सामन्यात त्यांच्यामध्ये ९१ धावांची भागीदारी झाली होती. विशेष म्हणजे त्यांनी केवळ ३७ चेंडूंमध्ये या धावा केल्या होत्या.
🔹 Suryakumar Yadav, Venkatesh Iyer make huge gains 💪
🔹 Kyle Jamieson breaks into top 3 👊
🔹 Ashton Agar, Zeeshan Maqsood rise 📈Big movements in the latest @MRFWorldwide ICC Men's Player Rankings.
Details 👉 https://t.co/CJZzwbPk8K pic.twitter.com/ED1ZJclWQy
— ICC (@ICC) February 23, 2022
याचाच फायदा या दोन फलंदाजांना टी२० क्रमवारीमध्ये झाला आहे. बुधवारी (२३ फेब्रुवारी) जाहीर झालेल्या ताज्या टी२० फलंदाजी क्रमवारीत वेंकटेशने चक्क २०३ स्थानांनी झेप घेतली आहे. तो या मालिकेसाठी ३१८ व्या क्रमांकावर होता. मात्र आता तो सरळ ११५ व्या क्रमांकावर पोहोचला आहे. तर सूर्यकुमारलाही ३५ स्थानांचा फायदा झाला असून तो २१ व्या क्रमांकावर आला आहे.
तर फलंदाजांच्या टी२० क्रमवारीत केवळ भारताचा स्टार फलंदाज विराट कोहली हा एकटाच टॉप-१० मध्ये आहे. त्याने वेस्ट इंडिजविरुद्ध एका अर्धशतकासह ६९ धावा केल्या होत्या.
महत्त्वाच्या बातम्या-
‘मी प्रत्येक सामना खेळू इच्छितो, पण आमच्याकडे पंत…’, इशानचे रिषभबरोबरील स्पर्धेबाबत मोठे भाष्य
आयपीएल २०२२ मधील तब्बल ७० सामने होणार मुंबई अन् पुण्यात? ‘या’ ४ स्टेडियमवर आयोजनाची शक्यता