दुबई। आसीसीच्या फेसबुकवरील व्हिडिओ चॅनेलने इतिहास रचला आहे. या वर्षाच्या सुरुवातीच्या ६ महिन्यात आयसीसीच्या व्हिडिओ चॅनेलला फेसबुकवर सर्वाधिक लोकांनी पाहिले आहे. जे जागतिक क्रीडा संघटनांच्या तुलनेत दुप्पटीपेक्षा अधिक आहे. आयसीसीने शुक्रवारी (७ ऑगस्ट) याची माहिती दिली. आयसीसीने म्हटले की, या व्हिडिओ चॅनेलवर २०२०मध्ये पहिल्या ६ महिन्यातील व्ह्यूजची संख्या ही १.६५ अब्ज होती, जी सोशल मीडियाच्या या प्लॅटफॉर्मवर इतर अव्वल क्रीडा संस्थांच्या तुलनेत खूप जास्त आहे.
आयसीसीने म्हटले की, ही आकडेवारी फेसबुकच्या ‘क्राऊडटँगल्स ऍनालिसिस’वरून घेण्यात आली आहे. त्यांनी पुढे म्हटले की, मागील १२ महिन्यांच्या तुलनेत आयसीसीचे फेसबुक चॅनेल आपल्या कॅटॅगरीतील सर्वाधिक व्यस्त पेज राहिले आहे.
“या चॅनेलमध्ये इतिहासातील सर्वाधिक वेळा पाहिला जाणारा दिवस तो होता, जेव्हा बांगलादेश संघाने १९ वर्षांखालील क्रिकेट विश्वचषक २०२० च्या अंतिम सामन्यात भारतीय संघावर विजय मिळविला होता. जो ४४ लाख लोकांनी पाहिला होता,” असेही आयसीसीने पुढे म्हटले.
त्यांनी पुढे म्हटले की, ऑस्ट्रेलियामध्ये झालेल्या महिला टी२० विश्वचषकात या चॅनेलला १.१ अब्ज व्ह्यूज मिळाले होते. जे २०१८ हंगामाच्या तुलनेत १९०० टक्क्यांपेक्षा अधिक होते. ही आतापर्यंत सर्वाधिक वेळा पाहण्यात आलेली आयसीसी महिला स्पर्धा बनली आहे.
महत्त्वाच्या बातम्या-
-‘ह्या’ बलाढ्य संघाविरुद्ध टीम इंडियाची ही महत्त्वाची मालिका पुढील वर्षापर्यंत स्थगित
-कुलदीप यादवच्या वर्कआउटचा व्हिडिओ पाहून फॅन्स झाले हैराण; मात्र धवनने केले ट्रोल
ट्रेंडिंग लेख-
-अवघ्या ७० मिनिटांत ठोकले होते शतक, ९९ वर्षांपूर्वीचा विक्रम आजही अबाधित
-असे ५ खेळाडू जे आयपीएलच्या लिलावात ठरले महागडे, पण मैदनात मात्र झाले फ्लॉप…
-५ असे खेळाडू ज्यांना आयपीएलच्या लिलावात मिळाली कमी रक्कम, परंतु संघासाठी ठरले मॅच विनर
