भारतीय संघाचा कर्णधार विराट कोहलीला जगातील सर्वोत्कृष्ट फलंदाजांमध्ये गणले जाते. तसेच तो क्षेत्ररक्षक म्हणून विरोधी संघावर दबाव टाकण्यातही माहिर आहे. विराट मैदानावर असताना विरोधी संघाच्या खेळाडूंना स्लेज (अपशब्द वापरणे) करताना दिसतो.
असेच काहीसे त्याने २०११च्या विश्वचषकात बांगलादेशविरुद्धच्या सामन्यात केले होते. यादरम्यान तो बांगलादेशचा फलंदाज इमरूल कायसशी (Imrul Kayes) वाद घालताना दिसला होता. त्या घटनेवर कायसने आता दावा केला आहे की, विराट आता त्याला त्रास देत नाही. कारण तमीम इक्बालने (Tamim Iqbal) विराटची (Virat Kohli) बोलती बंद केली होती.
एका वेबसाईटला दिलेल्या मुलाखतीत कायसने सांगितले की, “विराट आणि मी २००७मध्ये ऑस्ट्रेलिया येथे एका कँप केला होता. त्यावेळी आमच्यातील संबंध चांगले होते. मी त्याच्याविरुद्ध २०११च्या विश्वचषकात पहिल्यांदा खेळलो होतो. विराट आणि माझ्यात चांगले संबंध असूनही त्या सामन्यात विराट मला सतत स्लेज करत होता.”
“मी विचार करत होतो की, आम्ही एक महिना सोबत घालवला होता आणि हा आता मला स्लेज करत आहे. त्यावेळी मी विराटला काही म्हटले नाही. मी थेट आपला संघसहकारी तमीम इक्बालकडे गेलो आणि त्याला सांगितले की विराट कोहली मला स्लेज करत आहे. यानंतर तमीमनेही विराटविरुद्ध स्लेजिंग केली. तमीमदेखील मैदानावर खूप आक्रमक असतो. त्या दिवसानंतर विराटने माझ्याविरुद्ध स्लेजिंग कधीच केलेले नाही,” असेही तो यावेळी म्हणाला.
ट्रेंडिंग घडामोडी-
-IPL नाही म्हणून काय झाले, आता होणार IPLपेक्षाही वेगवान लीग; तीदेखील लाॅकडाऊनमध्ये
-ते दृष्य पाहुन केविन पीटरसनला आला राग, म्हणाला निव्वळ मुर्खपणा आहे
-४ असे भारतीय खेळाडू, जे आपल्या शेवटच्या मालिकेत ठरले सुपर फ्लाॅप