भारत विरुद्ध न्यूझीलंड संघात आता 3 सामन्यांच्या वनडे मालिकेतील तिसरा आणि अखेरचा वनडे सामना खेळला जाणार आहे. यानंतर उभय संघात 3 सामन्यांची टी20 मालिका खेळली जाणार आहे. या मालिकेपूर्वीच बीसीसीआयने काही भारतीय खेळाडूंना बुधवारपर्यंत (दि. 25 जानेवारी) रांची येथे पोहोचण्यास सांगितले आहे.
भारताच्या टी20 संघाचे नेतृत्व हार्दिक पंड्या (Hardik Pandya) करत आहे. हार्दिकच्या नेतृत्वात भारत न्यूझीलंडविरुद्द 27 जानेवारीपासून रांची, लखनऊ आणि अहमदाबाद येथे टी20 सामने खेळणार आहे. यासाठी पृथ्वी शॉ (Prithvi Shaw), राहुल त्रिपाठी (Rahul Tripathi) आणि इतर खेळाडूंना रणजी ट्रॉफी संघातून बाहेर करण्यात आले आहे.
विशेष म्हणजे, न्यूझीलंडविरुद्ध टी20 मालिकेच्या पहिल्या सामन्यासाठी भारतीय संघ बुधवारी (दि. 25 जानेवारी) रांची येथे पोहोचणार आहे. पृथ्वी शॉला मुंबई रणजी ट्रॉफी संघातून बाहेर करण्यात आले आहे. त्याच्या जागी दिव्यांश सक्सेना याला संघात सामील केले गेले आहे. दुसरीकडे, राहुल त्रिपाठी आणि दीपक हुड्डा (Deepak Hooda) यांसारख्या खेळाडूंनाही रणजी ट्रॉफीत खेळता येणार नाही. पृथ्वी शॉ देशांतर्गत क्रिकेटमध्ये सातत्याने चांगली कामगिरी करत होता, त्यामुळे त्याला न्यूझीलंडविरुद्धच्या टी20 मालिकेसाठी निवडले गेले आहे. दुसरीकडे, अक्षर पटेल आणि केएल राहुल हे त्यांच्या लग्नांच्या कारणास्तव या मालिकेत खेळू शकणार नाहीयेत.
भारत विरुद्ध न्यूझीलंड संघातील पहिला टी20 सामना 27 जानेवारी रोजी रांची येथे खेळला जाणार आहे. तसेच, या मालिकेतील पहिला सामना जिंकत मालिकेत आघाडी घेण्यावर भारतीय संघाचे लक्ष असेल. दोन्ही संघांमध्ये या मालिकेत काट्याची टक्कर पाहायला मिळू शकते. कारण, दोन्ही संघांमध्ये एकापेक्षा एक खेळाडूंचा समावेश आहे. (ind vs nz t20 these players including prithvi shaw will not be able to play in ranji trophy match)
न्यूझीलंडविरुद्धच्या टी20 मालिकेसाठी भारतीय संघ
हार्दिक पंड्या (कर्णधार), सूर्यकुमार यादव (उपकर्णधार), ईशान किशन (यष्टीरक्षक), आर गायकवाड, शुबमन गिल, दीपक हुड्डा, राहुल त्रिपाठी, जितेश शर्मा (यष्टीरक्षक), वॉशिंग्टन सुंदर, कुलदीप यादव, युझवेंद्र चहल, अर्शदीप सिंग, उमरान मलिक, शिवम मावी, पृथ्वी शॉ, मुकेश कुमार
महास्पोर्ट्सचा व्हॉट्सअप ग्रूप जॉईन करण्यासाठी येथे क्लिक करा
महास्पोर्ट्सचा टेलिग्राम ग्रूप जॉईन करण्यासाठी येथे क्लिक करा
महत्वाच्या बातम्या-
“सूर्या आणि बटलर कुठेही धावा करू शकतात,” स्वतः दिग्गज गोलंदाजानेच केलं कौतुक
क्या बात है! अचानक पुनरागमन करताच जडेजाच्या खांद्यावर कर्णधारपदाची जबाबदारी, वाचा सविस्तर
