हे प्रभू…! चेंडू मारला अन् बिनधास्त क्रीझच्या बाहेर आली मूनी, भारतीय खेळाडूने पुढं काय केलं एकदा पाहाच

Beth Monney Runout, INDWvsAUSW: भारतीय महिला विरुद्ध ऑस्ट्रेलिया महिला संघात सध्या एकमेव कसोटी मालिका खेळला जात आहे. मुंबईच्या वानखेडे स्टेडिअम येथे रंगलेल्या या सामन्यात ऑस्ट्रेलिया संघाचा पहिला डाव 219 धावांवर संपुष्टात आला होता. त्यानंतर भारतीय महिला संघाने पहिल्या डावात 406 धावांचा डोंगर उभारला. ही भारताची कसोटीमध्ये ऑस्ट्रेलिया महिला क्रिकेट संघाविरुद्धची सर्वोच्च धावसंख्याही आहे. 180 धावांपेक्षा जास्तीच्या आघाडीसह भारतीय संघ जेव्हा गोलंदाजीसाठी उतरला, तेव्हा बेथ मूनी चांगली फलंदाजी करत होती. मात्र, बाराव्या षटकात ती ज्याप्रकारे बाद झाली, त्यामुळे भारतीय संघाची स्थिती आणखी मजबूत झाली.

बेथ मूनी रनआउट
सामन्याच्या तिसऱ्या दिवशी बेथ मूनी (Beth Mooney) वेगवान फलंदाजी करत होती. यावेळी ती भारतीय गोलंदाजांवर दबाव बनवण्याचा पुरेपूर प्रयत्न करत होती. मात्र, स्नेह राणा (Sneh Rana) टाकत असलेल्या 12व्या षटकातील पाचव्या चेंडूवर मूनीने धावबाद (Beth Mooney Runout) होत ऑस्ट्रेलियाच्या अडचणीत मोठी वाढ केली. आता तिच्या धावबादेचा व्हिडिओ सोशल मीडियावर तुफान व्हायरल होत आहे.

When it comes to brain fades they don’t come much worse than this

Beth Mooney run out in AUS’s second innings in Mumbai

😳 🏏 #AUSvIND pic.twitter.com/B6Fo96Q8Uv

— Glenn Mitchell (@MitchellGlenn) December 23, 2023

यावेळी स्नेह राणा गोलंदाजी करत होती आणि मूनी स्ट्राईकवर होती. मूनीने चेंडू खेळताना बचावात्मक शॉट मारला आणि सिली पॉईंटवर पुश केला. या ठिकाणी रिचा घोष (Richa Ghosh) क्षेत्ररक्षण करत होती. हा शॉट खेळताना ती क्रीझच्या बाहेर आली आणि रिचाने संधी साधत चेंडू थेट स्टम्पवर मारला. यावेळी असे वाटले की, मूनीला काहीच समजले नाही की, तिला क्रीझमध्ये लगेच पोहोचायचे आहे.

रिचाने कोणतीही चूक न करता चेंडू स्टम्पवर मारला आणि मूनीने आपल्याच चुकीमुळे भारताला आपली विकेट भेट म्हणून दिली. मूनी बाद झाली तेव्हा ती 37 चेंडूवर 33 धावांवर खेळत होती. अशाप्रकारे ऑस्ट्रेलियाने आपली पहिली विकेट 49 धावांवर गमावली. स्नेह राणाने तिच्या पुढच्याच षटकात फीबी लिचफील्ड हिला त्रिफळाचीत बाद करत भारताला दुसरी विकेट मिळवून दिली. (ind w vs aus w beth mooney stupidity might be riskey for australia runout video goes to viral)

हेही वाचा-
अर्रर्र! भारतीय संघाला एक नाही, तर दोन धक्के; महत्त्वाच्या मालिकेला मुकणार स्टार खेळाडू; वाचा
T20 World Cup 2024 जिंकण्यासाठी ‘या’ बलाढ्य संघाचा मास्टरस्ट्रोक प्लॅन, पोलार्डकडे सोपवणार ‘ही’ जबाबदारी!