शुक्रवारी (१८ फेब्रुवारी) भारत आणि वेस्ट इंडिज (IND vs WI T20) यांच्यात खेळल्या गेलेला दुसरा टी२० सामना कोलकत्याच्या इडन गार्डन्सवर पार पडला. वेस्ट इंडिज संघाने नाणेफेक जिंकून प्रथम गोलंदाजी करण्याचा निर्णय घेतला. त्यानंतर विराट कोहली आणि रिषभ पंतच्या (Rishabh pant) खेळीच्या जोरावर भारतीय संघाने १८६ धावा केल्या. व्यंकटेश अय्यरच्या (venkatesh iyar) बॅटमधूनही ३३ धावांची स्फोटक खेळी पाहायला मिळाली. यादरम्यान त्याच्या एका शॉटने स्टेडियममध्ये बसलेल्या भारतीय खेळाडूमध्ये खळबळ उडाली. त्यानंतर त्या घटनेचा व्हिडिओ सोशल मीडियावर व्हायरल होत आहे.
भारताच्या डावात व्यंकटेश अय्यर १६व्या षटकात फलंदाजी करत होता. वेस्ट इंडिजकडून शेल्डन कॉट्रेल गोलंदाजी करत होता. कॉट्रेलने या षटकातील तिसरा चेंडू व्यंकटेशच्या पायाच्या दिशेने टाकला, त्याने त्या चेंडूला सीमारेषेकडे पाठवले. व्यंकटेशचा हा फटका थेट भारतीय संघाच्या डगआऊटच्या बाहेरच्या दिशेने गेला. त्यामुळे तिथे बसलेले सर्व खेळाडू चेंडूपासून स्वत:ला बचावताना दिसले. ज्याचा मजेशीर व्हिडिओ सध्या सोशल मीडियावर व्हायरल होत आहे.
https://twitter.com/addicric/status/1494687420423426053?s=20&t=yvyEp4OkSDskFr761Vy7tw
व्यंकटेशने आपल्या खेळीमध्ये १८३.३३ च्या स्ट्राईक रेटने १८ चेंडूत ३३ धावांची खेळी खेळली. या खेळीत त्याने चार चौकार आणि एक षटकार मारला. हा फलंदाज भारतीय संघाचा डाव पूर्ण करण्यात अपयशी ठरला आणि डाव संपण्याच्या तीन चेंडूंपूर्वीच बाद झाला.
भारतीय संघाकडून कर्णधार रोहित शर्मा आणि इशान किशन या सामन्यात खास खेळी खेळू शकले नाहीत. रिषभ पंत आणि विराट कोहली यांनी सर्वाधिक धावा केल्या आहेत. दोन्ही फलंदाजांनी ५२ धावांची खेळी केली. वेस्ट इंडिज संघाकडून गोलंदाजी करताना रोस्टन चेसने चार षटकांत २५ धावा देत तीन बळी घेतले. भारतीय संघाने वेस्ट इंडिजपूढे १८६ धवांचे लक्ष्य ठेवले होते. या लक्ष्याचा पाठलाग करण्यात वेस्ट इंडिज संघ अपयशी ठरला आणि हा सामना भारताने ८ धावांनी जिंकत मालिकेत २-० अशी आघाडी घेतली. या मालिकेतील तिसरा आणि शेवटचा सामना २० फेब्रुवारीला खेळला जाणार आहे.
महत्त्वाच्या बातम्या-
जखमी असूनही एका फोन कॉलवर विराट पोहोचला होता सिराजच्या घरी, गोलंदाजाकडून भावुक किस्स्याला उजाळा
VIDEO: हिटमॅनने मारला असा षटकार की चाहत्यांना आली रिषभची आठवण