आयपीएल स्पर्धा येत्या १९ सप्टेंबरला यूएईमध्ये सुरु होईल. ही स्पर्धा सुरु होण्यास काही दिवस शिल्लक आहेत. या स्पर्धेत काही युवा खेळाडू खेळताना दिसतील. २०२० मधील १९ वर्षाखालील विश्वचषकामध्ये उत्कृष्ट कामगिरी करणाऱ्या काही खेळाडूंना आयपीएलच्या संघांनी विकत घेतले आहे. या लेखात त्या ३ युवा खेळाडूंबद्दल जाणून घेऊया, ज्यांना आयपीएलचे संघ त्यांच्या पहिल्याच सामन्यात अंतिम अकरा खेळाडूंमध्ये स्थान देऊ शकतात.
भारताच्या १९ वर्षांखालील संघातील ३ खेळाडू, ज्यांचे अंतिम अकरामध्ये स्थान निश्चित
यशस्वी जयस्वाल (Yashaswi Jaiswal)
यशस्वी जयस्वालला राजस्थान रॉयल्सने आयपीएल २०२० च्या लिलावासाठी २.४० कोटी किंमतीला विकत घेतले. राजस्थान संघ आता या युवा खेळाडूला पहिल्या सामन्यातच संधी देऊ शकतो आणि असे झाल्यास सलामीला फलंदाजी करताना दिसेल.
१९ वर्षांखालील क्रिकेट स्पर्धेत यशस्वी जयस्वालने ६ सामन्यात १३३.३ च्या उत्कृष्ट सरासरीने एकूण ४०० धावा केल्या होत्या. यावेळी त्याचा स्ट्राईक रेट ८२.४७ होता. त्याने या स्पर्धेत एकूण ४ अर्धशतके आणि १ शतक झळकावले होते.
तसेच विजय हजारे वनडे स्पर्धेत त्याने दुहेरी शतकही केले आहे. आयपीएल २०२० मधील राजस्थान रॉयल्सच्या पहिल्या सामन्यात यशस्वी जयस्वाल जोस बटलरबरोबर सलामीला खेळताना दिसू शकतो.
रवी बिश्नोई (Ravi Bishnoi)
रवी बिश्नोईला किंग्ज इलेव्हन पंजाबच्या संघाने आयपीएल २०२० च्या लिलावात २ कोटींच्या मोठ्या रकमेवर खरेदी केले आहे. पहिल्याच सामन्यात अंतिम अकरामध्ये या युवा खेळाडूचे स्थान निश्चित असल्यातच जमा आहे. १९ वर्षांखालील विश्वचषकात रवी बिश्नोईने शानदार गोलंदाजी केली आणि सर्वांना आकर्षिक केले.
१९ वर्षांखालील विश्वचषकात रवी बिश्नोईने ६ सामन्यात १०.६४ च्या प्रभावी सरासरीने एकूण १७ बळी घेतले. त्याने या स्पर्धेत ३ वेळा ४ बळी घेण्याचा पराक्रमही केला.
१९ वर्षांखालील विश्वचषकातील ही उत्कृष्ठ आकडेवारी पाहता किंग्ज इलेव्हन पंजाब संघ त्याला बाहेर बसवेल असे वाटत नाही.
गोलंदाजीत तो महत्वाचे योगदान देईलच परंतु फलंदाजीतही योगदान देण्याची क्षमता या फिरकीपटूकडे आहे.
कार्तिक त्यागी (Karthik Tyagi)
१९ वर्षांखालील विश्वचषकात कार्तिक त्यागीची वेगवान गोलंदाजी आणि स्विंग होणारा चेंडू खेळणे फलंदाजांना कठीण जात होते. या स्पर्धेचे मोठे फलंदाज त्यांच्यासमोर अपयशी ठरले. त्याने ६ सामन्यात १३.९० च्या सरासरीने आणि ३.४५ च्या इकॉनॉमी रेटने ११ बळी घेतले.
आयपीएल २०२० च्या लिलावात कार्तिक त्यागीला राजस्थान रॉयल्स संघाने १.३० कोटी किंमतीला विकत घेतले आहे. किंग्ज इलेव्हन पंजाबच्या संघानेही या वेगवान गोलंदाजाला विकत घेण्यात रस दाखविला होता, पण या लिलावात शेवटी राजस्थान रॉयल्स संघाने बाजी मारली आणि त्याला आपल्या संघात घेतले.
राजस्थान रॉयल्स संघात तितका चांगला भारतीय वेगवान गोलंदाज नाही, त्यामुळे त्याला पहिल्याच सामन्यात संधी द्यायला संघाला नक्की आवडेल.
ट्रेंडिंग लेख –
असे ४ क्रिकेटर जे परदेशात जन्मले पण खेळले भारतासाठी क्रिकेट
या माजी कर्णधाराला ‘तो’ सामना खेळण्यात वाटत होती भीती; प्रशिक्षकाचा खुलासा
…आणि त्यादिवशी सचिन तेंडुलकरने १७२६ दिवसांनी शतकाचा दुष्काळ संपवला
महत्त्वाच्या बातम्या –
वेगवान धावा करत नाही म्हणून संघातून वगळले; याचा राग त्याने काढला अभ्यासावर
मालिकेत सर्वाधिक धावा करूनही ‘त्याला’ ठेवले राखीव खेळाडूंच्या यादीत
अमेरिकन ओपनमध्ये सुपर मॉमचे वर्चस्व; सेरेना-आझारेंका येणार सेमीफायनलमध्ये आमने-सामने