मुंबई । इंडियन प्रीमियर लीग 2020 (आयपीएल 2020) ची पहिला सामना अनेक प्रकारे खूप खास होती. कोरोना व्हायरसचा धोका असूनही, इतकी मोठी स्पर्धा सुरु होणे ही एक मोठी गोष्ट आहे. तसेच धोनीच्या चाहत्यांसाठीही हा सामना खूप खास होता. वास्तविक एमएस धोनी 437 दिवसांनी क्रिकेट खेळण्यासाठी मैदानावर उतरला होता. विश्वचषक 2019 च्या उपांत्य फेरीनंतर धोनीने आयपीएल 2020 मधून मैदानात पुनरागमन केले. आश्चर्यकारक गोष्ट म्हणजे धोनीने आपल्या पुनरागमनाने एक मोठा विक्रम केला आहे.
धोनीने झळकावले अनोखे शतक
एमएस धोनीने पुनरागमन करत आपले शतक पूर्ण केले. धोनीचे शतक फलंदाजीत नव्हते तर क्षेत्ररक्षणात आले आहे. आयपीएलमध्ये धोनीने 100 झेल पूर्ण झाले आहेत. धोनीने मुंबई इंडियन्स विरुद्ध यष्टीमागे दोन झेल घेतले. या सामन्यापूर्वी धोनीचे 98 झेल होते. सामन्यात धोनीने क्रुणाल पंड्याचा अप्रतिम झेल पकडला आणि त्यानंतर त्याने पोलार्डला झेल पकडताच त्याचे 100 आयपीएल झेल पूर्ण केले.
या सामन्यात दोन झेल पकडण्याबरोबरच धोनीने यष्टीमागे टी -20 मध्ये 250 बळी मिळवण्याचीही कामगिरी केली. टी -20 क्रिकेटमध्ये 250 बळी घेतलेला तो एकमेव यष्टिरक्षक आहे. धोनीने आयपीएलमध्ये घेतलेल्या १०० झेलांपैकी ९६ झेल त्याने यष्टीरक्षक म्हणून घेतले आहेत.
Milestone Alert!
???? catches for @msdhoni in the IPL ????#Dream11IPL #MIvCSK pic.twitter.com/C1gl2i9jVy
— IndianPremierLeague (@IPL) September 19, 2020
या सामन्यात धोनीला फलंदाजी दरम्यान २ चेंडू खेळायला मिळाले. पण त्याने त्या दोन्ही चेंडूवर धाव काढली नाही. या सामन्यात मुंबईने चेन्नईला १६३ धावांचे आव्हान दिले होते. जे चेन्नईने १९.२ षटकात ५ विकेट्स गमावत सहज पार केले.