आयपीएलला भारतातील क्रिकेटचा उत्सव मानलं जातं. यावर्षी कोरोनामुळे आयपीएलचे आयोजन होण्यास उशीर झाल्याने चाहत्यांची आणखीनच उत्सुकता वाढली आहे. १९ सप्टेंबर रोजी आयपीएलचा १३ वा हंगाम सुरू होणार असून, चेन्नई सुपर किंग्ज आणि मुंबई इंडियन्स यांच्यातील सामन्याने हंगामाची सुरुवात होईल.
स्पर्धा सुरू होण्यापूर्वी चाहत्यांपासून ते दिग्गजांपर्यंत प्रत्येकजण यंदाचा विजेता कोण होणार? याचा अंदाज वर्तवत आहे. न्यूझीलंडचा माजी क्रिकेटपटू स्कॉट स्टायरिसनेदेखील आपल्या अंदाजानुसार संघांची गुणतालिका निश्चित केली असून त्यामध्ये राजस्थान रॉयल्सला त्याने शेवटच्या स्थानी ठेवले आहे.
स्कॉटने ट्वीट करून म्हटले होते की, लीग फेरीच्या शेवटी दिल्ली कॅपिटल्स अव्वल स्थानावर राहील, तर राजस्थान रॉयल्स संघ शेवटच्या स्थानावर राहील. दिल्ली व्यतिरिक्त त्याने उपांत्य फेरीसाठी चेन्नई सुपर किंग्ज, मुंबई इंडियन्स आणि कोलकाता नाइट रायडर्सची निवड केली.
या ट्विटनंतर राजस्थान रॉयल्सने प्रत्युत्तर दिले आहे. राजस्थानने हे ट्विट शेअर करत लिहिलं आहे की, “आम्ही हे ट्विट आत्तासाठी सेव्ह करत आहोत, याचबरोबर लीग फेरीत आम्ही शेवटी राहणार नाही,” असे आव्हान राजस्थानने स्वीकारले आहे.
ट्विटरवरील हे संभाषण तिथेच संपले नाही. स्कॉटने पुढे लिहिलं, “आनंद झाला, तुम्ही मला चूकीचं सिद्ध केलं, तर मला आवडेल. परंतु तुमच्याकडे माझा साथीदार ईश सोधी आहे जो तुम्हाला मदत करेल, त्याच्यामुळे तुम्ही माघार घेऊ शकत नाही.”
Just casually saving the tweet here. ☺️ https://t.co/hUjprEhDiQ
— Rajasthan Royals (@rajasthanroyals) September 15, 2020
राजस्थान रॉयल्सने ऑस्ट्रेलियाचा माजी फिरकीपटू शेन वॉर्नच्या नेतृत्वात आयपीएलचा पहिला हंगाम जिंकला होता. परंतु त्यानंतर संघाची कामगिरी चांगली झाली नाही. परंतु यावर्षी संघाचे नेतृत्व स्टीव्ह स्मिथ करणार असून यामध्ये जोफ्रा आर्चर आणि जोस बटलर सारख्या दिग्गज खेळाडूंचा समावेश आहे.
महत्त्वाच्या बातम्या-
-माजी दिग्गज म्हणतो, ‘संघांना मांकडिंगपासून रोखायचे असेल, तर ‘हे’ काम करा’
-एकमेव खेळाडू ज्याने तब्बल ६ वेळा केला आयपीएलच्या अंतिम सामन्यात पराभवाचा सामना
-धोनीचा सीएसके संघाला मोठा झटका; हा खेळाडू पहिल्या सामन्याला मुकण्याची शक्यता
ट्रेंडिंग लेख-
-वनडेमध्ये जलद १०० षटकार मारणारे ८ खेळाडू; या भारतीय दिग्गजाचाही आहे समावेश
-आयपीएल २०२० मध्ये कोलकाता नाईट रायडर्ससाठी हे ३ खेळाडू ठरणार विजयाचे शिल्पकार?
-चेन्नई सुपर किंग्सला चौथ्यांदा आयपीएल चषक मिळवून देऊ शकतात हे ३ महारथी
