गेल्या काही महिन्यांपासून संपूर्ण जग कोरोना व्हायसरचा संघर्ष करत आहे. अशात जवळपास सर्वच देशात लॉकडाऊन करण्यात आले आहे. मात्र, इंग्लंडमध्ये परिस्थितीत सुधारणा जाणवल्यामुळे इंग्लंड सरकारने लॉकडाऊनची पातळी सौम्य केली आहे. परंतु, तरीही काही लोक सरकारच्या नियमांनुसार सामाजिक अंतर ठेवण्याच्या नियमाचा पालन करत नाहीत.
सोशल मीडियावर अशाच काही लोकांचा व्हिडिओ व्हायरल होत होता. या व्हिडिओला पाहून इंग्लंडचा स्टार फलंदाज केविन पीटरसन खूप चिडला. त्याने हा व्हिडिओ त्याच्या सोशल मीडिया अकाउंटवर शेअर करत आपली चिंता व्यक्त केली आहे. Kevin Pietersen shares video of people defying social distancing norms in london.
इंग्लंडची राजधानी लंडनमधील जो व्हिडिओ व्हायरल होत होता. त्या व्हिडिओमध्ये एका बसमध्ये लोकांची गर्दी झालेली दिसत आहे. इंग्लंड सरकारने तेथील लोकांना सार्वजनिक वाहतूकीचा (पब्लिक ट्रान्सपोर्ट) कमी वापर करण्यास सांगितले आहे. तरीही, लोक सामाजिक अंतर पाळताना दिसत नाहीत.
पीटरसनने व्हिडिओ शेअर करत लिहिले आहे की, “लंडनमधले विचित्र दृश्य. लवकरच लॉकडाऊन पुन्हा सुरु करण्यात येईल. तेही खूप काटेकोर नियमांसह. हे लोक जे काही करत आहेत, तो नुसता मुर्खपणा आहे.”
शिवाय क्रिकेटविषयी बोलताना पीटरसन म्हणाला की, “रिकाम्या स्टेडियममध्ये क्रिकेटचे आयोजन करण्यात यावे. प्रेक्षक असो वा नसो पण खेळाडूंनी खेळायला सुरुवात करायला पाहिजे. जर खेळांची पुन्हा सुरुवात झाली तर लोकांचे मानसिक बळ वाढेल. कोविड-19मुळे त्रस्त लोकांना त्यांचे मनोबळ वाढवण्यासाठी काहीतरी केलं पाहिजे. सध्या लोकांचे विचार खूप नकारात्मक झाले आहेत. ते खूप निराश झाले आहेत.”
“बऱ्याच लोकांना क्रिकेटमुळे प्रोत्साहन मिळते. त्यांच्याचील सकारात्मकता वाढण्यातही त्यांना मदत होते. कोरोना व्हायरसची लस मिळेपर्यंत क्रिकेट रिकाम्या स्टेडियममध्येच घेतले जावे. खेळाडूंनाही परिस्थितीनुसार खेळावे लागेल. ही वेळ क्रिकेटची सुरुवात करुन, त्याचा स्तर वाढवण्याची आहे,” असेही पीटरसन पुढे म्हणाला.
ट्रेंडिंग घडामोडी-
आवाज वाढीव डीजे! प्रेक्षकांविना सामने झाले तर मैदानावर थेट स्पिकर्सवर…
बेटावर फसलेल्या दिग्गज खेळाडूच्या ‘सेक्स टेप’ ब्लॅकमेलरच्या हातात, आता…
वेळेवर मिळाले नाही उपचार, जपानमध्ये सुमो पैलवानाचा कोरोनामुळे दुर्दैवी मृत्यू