पुणे विरुद्ध कोल्हापूर ‘निकाली’ सामन्याने होणार महाराष्ट्र प्रीमियर लीगची सुरुवात; वाचा सामन्याबद्दल सर्व माहिती

गुरुवारपासून (दि. 15 जून) बहुप्रतिक्षित महाराष्ट्र प्रीमिअर लीग 2023 स्पर्धेला सुरुवात होत आहे. या स्पर्धेची सुरुवात पुण्याच्या गहुंजे स्टेडिअम येथे पुणेरी बाप्पा विरुद्ध कोल्हापूर टस्कर्स संघातील सामन्याने होणार आहे. या सामन्याला सायंकाळी 8 वाजता सुरुवात होणार आहे. चला तर पहिला सामना आणि स्पर्धेविषयीची माहिती लगेच जाणून घेऊयात…

कोण आहेत कर्णधार?
महाराष्ट्र प्रीमिअर लीग (Maharashtra Premier League) स्पर्धेतील पहिल्या सामन्याला सुरुवात होण्यापूर्वी 5.30 वाजता उद्घाटन सोहळा पार पडणार आहे. यावेळी प्रसिद्ध अभिनेत्री अमृता खानविलकर (Amruta Khanvilkar) हिच्यासह इतर अनेक कलाकार परफॉर्म करताना दिसतील.

एमपीएल 2023 (MPL 2023) स्पर्धेच्या पहिल्या सामन्यात पुणेरी बाप्पा विरुद्ध कोल्हापूर टस्कर्स (Puneri Bappa vs Kolhapur Tuskers) आमने-सामने असणार आहेत. या सामन्यात पुणेरी बाप्पा संघाची धुरा ऋतुराज गायकवाड (Ruturaj Gaikwad) याच्या खांद्यावर आहे, तर कोल्हापूर टस्कर्स संघाची जबाबदारी केदार जाधव (Kedar Jadhav) याच्याकडे आहे.

एमपीएल 2023साठी उभय संघ
पुणेरी बाप्पा-
ऋतुराज गायकवाड (कर्णधार), रोहन दामले, प्रशांत कोरे, अद्वय शिधये, अझहर अन्सारी, शुभंकर हर्डीकर, वैभव चौघुले, रोशन वाघसरे, पियुष साळवी, आदित्य डवरे, सौरभ दिघे, शुभम कोठारी, सोहन जमाले, साईश दिघे, सचिन भोसले, अभिमन्यू जाधव, यश क्षीरसागर, पवन शाह, श्रीपाद निंबाळकर, हर्ष संघवी, दिग्विजय पाटील, अजय बोरुडे, आदर्श बोथारा, भूषण नावंदे, कुंश दीक्षित, हर्ष ओसवाल, सूरज शिंदे.

कोल्हापूर टस्कर्स-
केदार जाधव (कर्णधार), नौशाद शेख, कीर्तीराज वाडेकर, मनोज यादव, विद्या तिवारी, अत्मन पोरे, अक्षर दरेकर, श्रेयंश चव्हाण, सिद्धार्थ म्हात्रे, तरणजीत ढिल्लन, निहाल तुस्माड, रवी चौधरी, अंकित बावणे, सचिन धस, निखिल मदस, साहिल औताडे

स्पर्धेविषयी थोडक्यात
ही स्पर्धा एकूण 14 दिवस चालणार आहे. या स्पर्धेत साखळी फेरीचे 15 आणि प्ले-ऑफचे 4 असे एकूण 19 सामने खेळले जाणार आहेत. हे सर्व सामने महाराष्ट्र क्रिकेट असोसिएशनच्या एमसीए आंतरराष्ट्रीय स्टेडिअम, गहुंजे येथे खेळले जाणार आहेत. या स्पर्धेचा अंतिम सामना 29 जून रोजी पार पडणार आहे. या स्पर्धेत 5 दिवस दोन सामने, तर 9 दिवस एक सामना खेळला जाणार आहे. या स्पर्धेतचे स्वरूपही आयपीएलसारखेच आहे. यामध्ये क्वालिफायर 1, एलिमिनेटर आणि क्वालिफायर 2 तसेच अंतिम सामना अशाप्रकारे सामने खेळले जाणार आहेत.

फुकटात पाहता येणार सामना
या स्पर्धेत एकूण 6 संघ उतरणार आहेत. त्यात पुणेरी बाप्पा, छत्रपती संभाजी किंग्स, रत्नागिरी जेट्स, सोलापूर रॉयल्स, कोल्हापूर टस्कर्स आणि ईगल नाशिक टायटन्स या संघांचा समावेश असणार आहे. स्पर्धेत ज्या दिवशी एक सामना असेल, तो सामना सायंकाळी 8 वाजता सुरू होईल. तसेच, एक दिवशी दोन सामने असतील, तेव्हा पहिला सामना दुपारी 2  आणि दुसरा सामना 8 वाजता होईल. हे सर्व सामने पाहण्यासाठी प्रेक्षकांना मोफत स्टेडिअममध्ये प्रवेश असणार आहे. हे सामने टीव्हीवर डीडी स्पोर्ट्स  दाखवले जातील. तसेच, डिजिटलवर फॅनकोड या ऍपवर स्ट्रीम केले जाणार आहेत. (mpl 2023 puneri bappa vs kolhapur tuskers first mpl match ruturaj gaikwad And kedar jadhav captain)

महत्वाच्या बातम्या-
दुलीप ट्रॉफी स्पर्धेत खेळण्यास वृद्धिमान साहाचा स्पष्ट नकार, कारण वाचून तुम्हीही कराल कौतुक
अंबाती रायुडूचा खळबळजनक खुलासा! BCCIवर गंभीर आरोप करत फोडलं 2019 वर्ल्डकपचं भांडं