तिसऱ्या दिवसाखेर इंग्लंड पाकिस्तान कसोटीची नक्की काय आहे अवस्था, वाचा थोडक्यात

मुंबई । पहिल्या डावात 107 धावांनी पिछाडीवर पडल्यानंतर इंग्लंडच्या वेगवान गोलंदाजांनी धारदार गोलंदाजी करत  पाकिस्तानला बॅकफूटवर ढकलले. दुसर्‍या डावात 137 धावा देऊन पाकिस्तानचे आठ विकेट्स घेतल्या आणि शुक्रवारी पहिल्या  कसोटीच्या तिसर्‍या दिवशी इंग्लंडला सामन्यात परत आणले.

पाकिस्तानने केलेल्या पहिल्या डावातील 326 धावांच्या प्रत्युत्तरात इंग्लंडचा डाव 219 धावांत आटोपला आणि पाहुण्या संघाला पहिल्या डावात 107 धावांनी आघाडी मिळाली. पाकिस्तानकडून लेगस्पिनर यासिर शहाने चार आणि शादाब खानने दोन गडी बाद केले. परंतु गोलंदाजांचे परिश्रम त्याच्या फलंदाजांना स्वस्तात बाद होऊन गमावले.

इंग्लंडच्या शिस्तबद्ध गोलंदाजीसमोर पाकिस्तानचा दुसरा डाव कोसळला. त्यांनी 137 धावांत आठ गडी गमावले आणि आता दोन दिवस बाकी असताना त्याच्याकडे एकूण 244 धावांची आघाडी आहे. तिसर्‍या दिवसाचा खेळ संपल्यानंतर यासिर शहा 13 धावा करून तर मोहम्मद अब्बास खाते न उघडता क्रीजवर आहेत.

पहिल्या डावात कारकीर्दीतील शानदार शतक झळकावणारा सलामीवीर शान मसूद दुसर्‍या षटकात खाते न उघडता पॅव्हेलियनमध्ये परतला. स्टुअर्ट ब्रॉडने विकेटच्या मागे जोस बटलरच्या हातात झेलबाद केले. ख्रिस वॉक्सने कर्णधार अझर अली (18) आणि बाबर आझम (पाच) यांना पॅव्हिलियनमध्ये पाठवले. डॉम बेसने आबिद अलीला बाद केले. असद शफीक  29 धावा काढून बाद झाला. इंग्लंडकडून ब्रॉड, वोक्स आणि स्टोक्स यांनी प्रत्येकी दोन गडी बाद केले.

ओली पोपशिवाय इंग्लंडचा दुसरा कोणताच फलंदाज सामन्यात चांगली कामगिरी करु शकला नाही. पोपने 62 धावा केल्या. दुसर्‍या दिवशी इंग्लंडने 92 धावांत चार गडी गमावले आणि त्यानंतर पोपने डाव हाताळला. काल तो 46 धावांवर नाबाद होता. पाचवे अर्धशतक पूर्ण केल्यानंतर त्याने विकेट गमावली.

शाहीन आफ्रिदीने इंग्लंडच्या फलंदाजांना त्रास दिला

पहिल्या तासात फलंदाजांनी केवळ नऊ धावा केल्या, तर 10 धावा अतिरिक्त होत्या. पहिल्या तासात शाहीन आफ्रिदीच्या चेंडूवर बटलर बाद होता होता वाचला. नसीम शाहने आपल्या भेदक गोलंदाजीने पोपला प्रचंड त्रास दिला, तर मोहम्मद अब्बास बटलरची विकेट तीन वेळा घेण्यास जवळ आला. ड्रिंक्स  ब्रेक झाल्यानंतर इंग्लंडचे फलंदाज चांगले खेळू लागले.

पाचव्या विकेटसाठी दोघांनी 65 धावांची भागीदारी केली. पोपला बाद करत नसीमने ही भागीदारी मोडली. वोक्स खेळपट्टीवर येताच अनेक बाउन्सरचा सामना केला, परंतु तो निराश झाला नाही. त्याने शाहीनला दोन चौकार लगावले. पावसामुळे हा खेळ काही काळ थांबला.

दुसर्‍या सत्रात यासिर जोस बटलरला एलबीडब्ल्यू केले. तर स्लिपमध्ये डोम बासला झेलबाद केले. इंग्लंडची धावसंख्या आठ बाद 170 अशी होती. पण अखेर स्टुअर्ट ब्रॉडने शेवटच्या दोन फलंदाजांसह 49 धावांची भागीदारी केली. तथापि, दुसऱ्या बाजूल पाठिंबा देण्यासाठी कोणीही उरले नाही. तो 29 धावा करत नाबाद राहिला. शादाबने जोफ्रा आर्चर आणि जेम्स अँडरसनला बाद केले.