कोहली-डिविलियर्सप्रमाणे त्यांच्या लाडक्या लेकींमध्येही मैत्री, ‘हा’ फोटो पाहून तुम्हीही म्हणाल असंच

भारतीय संघाचा कर्णधार विराट कोहली आणि अनुष्का शर्मा या जोडप्याला काही महिन्यांपूर्वी कन्यारत्न झाली आहे. 11 जानेवारीला विराटच्या घरी नवीन पाहूणीचे आगमन झाले आहे. याची माहिती विराटने स्वतः सोशल मीडियावरून दिले होती. विराट आणि अनुष्काने आपल्या मुलीचे नाव वामिका ठेवले आहे. परंतु वामिकाची एक झलक पाहण्यासाठी चाहते खूपच आतुरलेले आहेत. वामिकाचा जन्म झाल्यापासून विराट आणि अनुष्काने तिचा चेहरा दिसेल असा एकही फोटो सोशल मीडियावर पोस्ट केला नाही.

इंडियन प्रीमियर लीगच्या 14 व्या हंगामादरम्यान एबी डिव्हिलियर्स यांची पत्नी डॅनियल हिने त्यांची मुलगी येंतेसोबत आणखी एका लहान मुलीचा फोटो पोस्ट केला होता. त्या फोटोच्या खाली डॅनियलने कॅप्शन लिहिला आहे की, ‘बेबीने आपल्या पहिल्या मैत्रीणीची गळाभेट घेतली.’

या पोस्टला अनुष्का शर्माने ही लाईक करत हृदयाचे ईमोजी देत प्रतिक्रिया दिली आहे. या फोटोवर अनुष्काच्या प्रतिक्रियेमुळे चाहते असा अंदाज बांधत आहेत की येंतेबरोबर ती दुसरी छोटीशी मुलगी वामिकाच आहे. कारण आयपीएल २०२१ वेळी अनुष्का आणि डॅनियल दोघीही पती आणि कुटुंबासोबत उपस्थित होत्या.

https://www.instagram.com/p/CPGY_aHDRDB/?utm_source=ig_web_button_share_sheet

मागील काही दिवसांपूर्वी चाहत्यांच्या आग्रहाखातर अनुष्का आणि डॅनियल यांनी आपापल्या लेकींसोबतचा फोटो इंस्टाग्रामवर पोस्ट केला होता. हा फोटो सोशल मीडियावर खूप व्हायरल झाला होता.

विराट कोहलीने काही दिवसांपूर्वी इंस्टाग्रामवर प्रश्न-उत्तरांचा कार्यक्रम आयोजित केला होता. एका चाहत्याने त्याला प्रश्न विचारला की, वामिकाची झलक कधी बघायला मिळेल? तर त्यावर विराट कोहलीने उत्तर दिले होते की, जेव्हा वामिकाला सोशल मीडिया काय आहेत हे समजेल; तेव्हा ती स्वतः या गोष्टीचा निर्णय घेईल. याबरोबरच सर्वांनाच वामिका या शब्दाचा अर्थ जाणून घेण्याची उत्सुकता होती. जेव्हा विराट कोहलीला यावर प्रश्न विचारला गेला की, वामिका या नावाचा अर्थ काय? तर विराटने सांगितले की, ‘वामिका’ या शब्दाचा अर्थ ‘देवी दुर्गा’चे दुसरे नाव आहे.

सध्या भारतीय संघ इंग्लंड दौऱ्यावर आहे. 18 जूनपासून भारत आणि न्यूझीलंड यांच्यामध्ये विश्व कसोटी अजिंक्यपद अंतिम सामना सुरू होणार आहे. भारतीय संघ या सामन्याच्या तयारीत आहे. भारतीय संघाला इंग्लंड दौऱ्यावर आपल्या परिवाराला सोबत घेऊन जाण्याची परवानगी मिळाली आहे. त्यामुळे विराट अनुष्का आणि मुलगी वामिकासोबत इंग्लंड दौऱ्यावर गेला आहे.

महत्त्वाच्या बातम्या-

श्रीलंका दौऱ्यावर जाण्यापुर्वी खेळाडूंसह प्रशिक्षकांना ‘ही’ गोष्ट करणे बंधनकारक, वाचा सविस्तर

अथियाच्या इंस्टाग्राम पोस्टने चर्चेला उधान; नेटकरी म्हणाले, ‘राहुलसोबत इंग्लंडमध्ये आहेस?’

‘मरेपर्यंत सचिनला बाद केल्याचा अभिमान असेल,’ म्हणणाऱ्या गोलंदाजांने आजच्याच दिवशी विश्वचषकात घेतली होती हॅट्रिक