आजपासून (१७ डिसेंबर) भारत आणि ऑस्ट्रेलिया संघात ४ कसोटी सामन्यांची बहुप्रतिक्षित मालिका सुरू झाली आहे. विराट पहिला सामना खेळल्यानंतर पालकत्व रजा घेवून भारतात परतणार असल्याने स्टीव स्मिथ व विराट यांच्यातील स्पर्धा केवळ पहिल्याच सामन्यात दिसणार आहे. त्यामुळे मालिकेतील पहिल्या सामन्यात सर्व क्रिकेट रसिकांचे लक्ष विराट आणि स्मिथ या दोन्ही दिग्गज फलंदाजांच्या कामगिरीकडे असणार आहे. मालिकेतील पहिल्या सामन्यापूर्वी विराट व स्मिथ यांच्यात प्रश्नोत्तराची गमतीशीर चर्चा रंगली होती. यादरम्यान स्मिथने विचारलेल्या प्रश्नावर विराट भावूक झाला. बीसीसीआयने या चर्चेचा व्हिडिओ आपल्या ट्विटर अकाउंटवर शेयर केला आहे.
चर्चेदरम्यान स्मिथने विराटला लहानपणीच्या क्रिकेट बद्दलच्या आठवणीबाबत प्रश्न विचारला असता, विराट थोडासा भावनिक झाला. विराट म्हणाला, “माझी क्रिकेटबद्दल पहिली आठवण आहे की, माझे वडील मला प्लॅस्टिक चेंडू फेकत व मी प्लॅस्टिक बॅटने तो चेंडू मारत असत. मी शॉट मारल्यानंतर वडिलांना फार आनंद होत असे. माझ्यासाठी क्रिकेटबद्दलची ही सर्वात सुंदर आठवण आहे.”
https://twitter.com/BCCI/status/1339157202976661505
स्मिथच्या पुढच्या प्रश्नाला उत्तर देताना विराट म्हणाला की, “वडिलांचे फार मोठे स्वप्न होते की मी भारताकडून खेळावे व भारताला सामना जिंकून द्यावे.” मात्र, वडिलांच्या निधनानंतर विराटला भारताकडून खेळण्याची संधी मिळाली होती.
https://twitter.com/BCCI/status/1339144577668661249
विराट पुढे म्हणाला की वडिलांच्या निधनावेळी मी केवळ १८ वर्षांचा असल्याने माझ्यासाठी तो काळ फार अवघड होता. विराटने सांगितले की, “वडिलांच्या निधनानंतर मी माझे पूर्ण लक्ष क्रिकेटकडे केंद्रित केले. मला कारकिर्दीमध्ये कधीच वाटले नाही की मला संघातून बाहेर काढले जाईल. मी पूर्ण आत्मविश्वासाने खेळत राहिलो.”
महत्त्वाच्या बातम्या-
विक्रमवीर विराट! पहिल्या कसोटीत तेंडुलकर व लाराचे ‘हे’ २ विक्रम करू शकतो आपल्या नावावर