अजिंक्य रहाणे (Ajinkya Rahane) आणि चेतेश्वर पुजारा (Cheteshwar Pujara) सध्या खराब फॉर्मचा सामना करत आहेत. या कारणामुळेच या दोघांना श्रीलंकेविरुद्धच्या (India vs Sri Lanka) कसोटी मालिकेतून बाहेर केले गेले आहे. आता हे दोघे जुलै महिन्यात इंग्लंडविरुद्ध होणाऱ्या एकमेव कसोटी सामन्यातही खेळणार नसल्याची चर्चा आहे.
पीटीआयच्या वृत्तानुसार दोघेही इंग्लंड विरुद्धच्या कसोटी सामन्यातून बाहेर पडले आहेत. मागच्यावर्षी भारत आणि इंग्लंड (India vs England) यांच्यातील ५ कसोटी सामन्यांपैकी ४ सामने खेळले गेले होते. ४ सामन्यांनंतर भारतीय संघाच्या सपोर्ट स्टाफमधील काही सदस्यांना कोरोना झाल्याने ५ वी कसोटी न खेळता भारतीय संघ माघारी परतला होता. आता तो उर्वरित सामना यावर्षी जुलैमध्ये खेळवला जाणार आहे. हा सामना एजबेस्टनमध्ये पार पडणार आहे.
भारत आणि इंग्लंड यांच्यातील ५ सामन्यांच्या कसोटी मालिकेत ४ सामन्यांनंतर भारतीय संघ २-१ ने पुढे होता. जुलैमध्ये होणाऱ्या एका कसोटी सामन्यानंतर उभय संघांमध्ये तीन सामन्यांची टी२० आणि ३ सामन्यांची एकदिवसीय मालिका खेळवली जाणार आहे.
गेल्यावर्षी इंग्लंडविरुद्धच्या मालिकेत रहाणेने पहिल्या कसोटीत ५ धावा, दुसऱ्या कसोटीच्या दोन्ही डावात ६२ धावा, तिसऱ्या कसोटीच्या दोन्ही डावात २८ धावा आणि तिसऱ्या कसोटीच्या दोन्ही डावात १५ धावा केल्या होत्या. चेतेश्वर पुजाराने पहिल्या कसोटीत १६ धावा, दुसऱ्या कसोटीत ५४ धावा, तिसऱ्या कसोटीत ९२ धावा आणि चौथ्या कसोटीत एकूण ६५ धावा बनवल्या होत्या. रहाणेने इंग्लंडविरुद्धच्या लाॅर्डस कसोटीत एक आणि पुजाराने लीड्स आणि ओवलमध्ये अर्धशतकीय खेळी केली होती.
भारतीय संघाने नुकत्याच पार पडलेल्या टी२० मालिकेत श्रीलंकेला ३-० ने क्लीन स्वीप दिला आहे. टी२० मालिका नावे केल्यानंतर आता भारतीय संघ श्रीलंकेविरुद्ध ४ मार्चपासून २ सामन्यांची कसोटी मालिका खेळणार आहे. या दोन संघांतील पहिला सामना मोहालीला ४ ते ८ मार्चदरम्यान खेळवला जाणार आहे. त्यानंतर १२ ते १६ मार्च दरम्यान बंगळुरू येथे दुसरा कसोटी सामना होईल. दुसरा कसोटी सामना दिवस-रात्र स्वरुपाचा असणार आहे.
तसेच त्यानंतर आयपीएल २०२२ हंगामाला सुरूवात होणार आहे. आयपीएलचा हंगाम संपल्यानंतर भारतीय संघ इंग्लंड दौऱ्यावर जाईल.
महत्त्वाच्या बातम्या –
मुंबईच्या ‘या’ खेळाडूला करायचीय तब्बल ७२ तास फलंदाज, वर्ल्डरेकॉर्ड करण्याचा आहे मानस
मॅक्सवेल ते रबाडा, आयपीएलच्या सुरुवातीच्या सामन्यांना मुकू शकतात ‘हे’ मोठे परदेशी खेळाडू
‘हिटमॅन’चे ट्विटर अकाऊंट हॅक? रोहितच्या विचित्र ट्वीट्सची मालिका पाहून चाहते गोंधळले