भारत ‘अ’ आणि दक्षिण आफ्रिका ‘अ’ यांच्यात ब्लूमफॉन्टेन येथे चार दिवसीय कसोटी सामना सुरू आहे. या सामन्याच्या दुसऱ्या दिवशी राहुल चहर वादात सापडला आहे. खेळाच्या दुसऱ्या दिवशी भारत ‘अ’ संघाच्या या लेगस्पिनरने पंचाशी गैरवर्तन केले. पंचाच्या निर्णयावर राहुल चहरला राग आला आणि त्याने रागाच्या भरात आपला चष्मा फेकला. राहुल चहरच्या गैरवर्तनाचा व्हिडिओ सोशल मीडियावर चांगलाच व्हायरल झाला आहे.
सामन्याच्या १२८ व्या षटकात राहुलचा चेंडू दक्षिण आफ्रिका अ संघाचा यष्टीरक्षक क्वेशेलेच्या पॅडला लागला तेव्हा ही घटना घडली. राहुलने जोरदार अपील केले जे पंचांनी फेटाळून लावले. पंचांनी अपील फेटाळून लावल्याने राहुल चहर चांगलाच संतापला. त्याने आधी पंचाशी वाद घातला आणि नंतर चष्मा काढून जमिनीवर फेकला.
Rahul Chahar might get pulled up here, showing absolute dissent to the umpires call.
A double appeal and throwing his equipment. #SAAvINDA
Footage credit – @SuperSportTV pic.twitter.com/TpXFqjB94y
— Fantasy Cricket Pro ???? (Viren Hemrajani) (@FantasycricPro) November 24, 2021
चार दिवसीय सामन्यातील पहिला डाव राहुल चहरसाठी खूपच निराशाजनक ठरला आहे. राहुल चहरने सामन्यात तब्बल १२५ धावा दिल्या आणि त्याला फक्त एकच विकेट घेण्यात यश मिळाले. एवढेच नाही तर राहुल चहरचा इकॉनॉमी रेटही प्रति षटक ४.३८ धावा इतका होता. इतर गोलंदाजांबद्दल बोलायचे झाले तर नवदीप सैनी आणि अर्जन नागवासवाला यांनी प्रत्येकी २-२ बळी घेतले. उमरान मलिकने एक विकेट घेतली.
तत्पूर्वी, दक्षिण आफ्रिका ‘अ’ संघाने ५०९ धावांवर डाव घोषित केला. कर्णधार पीटर मलानने १६३ आणि टोनी डी जॉर्जीने ११७ धावा केल्या. यष्टिरक्षक क्वेशिलेने ८२ धावांचे योगदान दिले. जेसन स्मिथने ५२ आणि जॉर्ज लिंडेने ५१ धावा केल्या. प्रत्युत्तरात भारतीय फलंदाजांनी दमदार सुरुवात केली. भारतीय संघाने तिसऱ्या दिवशी ४ गडी गमावून ३०८ धावा केल्या. कर्णधार प्रियांक पांचाळ ९६ आणि अभिमन्यू ईश्वरनने १०३ धावा केल्या. तिसऱ्या दिवसाखेर बाबा अपराजित आणि उपेंद्र यादव नाबाद आहेत.
महत्त्वाच्या बातम्या-
भर सामन्यात फलंदाजाने हेल्मेटला मारली लाथ, लज्जास्पद कृती पाहून भडकले पंच अन् खेळाडू
गंभीरला जीवे मारण्याची धमकी देणारा मेल काश्मीर नाही, तर पाकिस्तानमधून आला; तपासातून मोठा खुलासा