भारतीय संघाने गतवर्षी ऑस्ट्रेलिया (aus vs Ind Gabba test) संघाविरुद्ध झालेल्या गाबा कसोटी सामन्यात ऐतिहासिक विजय मिळवला होता. गाबा हा ऑस्ट्रेलियाचा बालेकिल्ला आहे. या मैदानावर ऑस्ट्रेलिया संघाला पराभूत करणं मोठी गोष्ट नाही. या सामन्यात रिषभ पंतने (Rishabh pant) आणि शुबमन गिलने (Shubman gill) ऐतिहासिक खेळी करत भारतीय संघाला विजय मिळवून दिला होता. शुबमन गिलने या डावात ९१ धावांची खेळी केली होती. आता शुबमन गिलने या सामन्यातील जुन्या आठवणींना उजाळा दिला आहे. तसेच ऑस्ट्रेलियाच्या वेगवान गोलंदाजांची गोष्ट सांगितली आहे.
गाबाच्या मैदानावर पार पडलेला कसोटी सामना हा निर्णायक सामना होता. कारण ऍडीलेडच्या मैदानावर भारतीय संघाला पराभवाचा सामना करावा लागला होता. त्यानंतर भारतीय कर्णधार विराट कोहली पितृत्व रजा घेत भारतात परतला होता. त्यावेळी भारतीय संघाची जबाबदारी अजिंक्य रहाणेने (Ajinkya Rahane) स्वीकारली. भारतीय संघाने मेलबर्न कसोटीत विजय मिळवला तर, सिडनी कसोटी सामना अनिर्णीत राहिला होता. त्यानंतर गाबा कसोटी सामन्यात भारतीय संघातील वरिष्ठ खेळाडू दुखापतग्रस्त असताना युवा खेळाडूंनी भारतीय संघाला गाबा कसोटी सामन्यात विजय मिळवून दिला होता.
या सामन्यातील दुसऱ्या डावात भारतीय संघाला विजयासाठी ३२८ धावांची आवश्यकता होती. धावांचा पाठलाग करताना रोहित शर्मा स्वस्तात माघारी परतला होता. तो अवघ्या ७ धावा करत माघारी परतला होता. गिलने रोहित शर्मा बाद झाल्यानंतरच्या आठवणींना उजाळा देत म्हटले की, ” रोहित शर्मा बाद झाल्यानंतर ते असा जल्लोष साजरा करत होते जसे की, ते सामना जिंकले. जसं काय हा सामना संपला.”
त्यानंतर शुबमन गिल आणि चेतेश्वर पुजारा यांनी मिळून महत्वपूर्ण भागीदारी केली होती. याबाबत बोलताना शुबमन गिल म्हणाला की, “युवा खेळाडू असताना जेव्हा आपण ऑस्ट्रेलियात पदार्पण करतो त्यावेळी प्रश्न हा असतो की, आपण त्या गतीचा सामना करू शकतो का? पॅट कमिन्स आणि मिचेल स्टार्क आपल्या वेगवान गोलंदाजीमुळे ओळखले जातात. तर जोश हेजलवूड आपल्या लाईन आणि लेंथसाठी ओळखला जातो. पण जेव्हा मी माझ्या शंका दूर केल्या आणि खेळण्यास सोयीस्कर गती मिळाली, तेव्हा गोष्ट फक्त मानसिकतेची होती.
तसेच तो पुढे म्हणाला की, “कमिन्स आणि स्टार्क आम्हाला शॉर्ट गोलंदाजी करत होते. आमची रणनिती स्टार्कवर आक्रमण करण्याची होती. तुम्ही ती खेळी पाहणार तर तुम्हाला दिसेल की, मी कमिन्सच्या चेंडूवर एकही पुल शॉट मारला नाही. कमिन्स जिथून गोलंदाजी करत होता तेथे बाऊंड्री मोठी होती.”
महत्वाच्या बातम्या :
अर्रर्रर्र… अतिउत्साह नडला! हातातली मॅच एका चुकीने गमावली, पाहा शेवटच्या चेंडूवर नेमकं काय घडलं
सचिनला गोलंदाजी करताना घाबरायचा ऑस्ट्रेलियन ‘स्पीडस्टार’; स्वतः केला खुलासा
कॅप्टन जोमात! उपांत्य सामन्यापूर्वी यश धूलने दाबली ऑस्ट्रेलियाची दुखरी नस; म्हणाला…