वॉर्नच्या रूपात आयपीएलला मिळालेला पहिला चॅम्पियन कर्णधार, धोनीच्या सीएसकेला केले होते पराभूत

आयपीएल स्पर्धा 2008 साली सुरू झाली होती आणि ही स्पर्धा आज जगातील सर्वाधिक लोकप्रिय लीगपैकी एक बनली आहे. आयपीएलच्या पहिल्या हंगामात म्हणजेच 2008 साली राजस्थान रॉयल्सने विजेतेपद पटकावले होते, ज्याचा कर्णधार शेन वॉर्न होता. वॉर्नच्या नेतृत्वात राजस्थान संघाने सुरुवातीचे काही सामने गमावले होते, पण पुढे संघाने चांगले प्रदर्शन केले आणि विजेतेपदही पटकावले.

आयपीएल 2008 हंगाम सुरू होण्यापूर्वी वॉर्नचा राजस्थान रॉयल्स संघ इतर संघांच्या तुलनेत कमजोर दिसत होता, पण लीग स्टेजच्या १४ सामन्यांपैकी 11 सामने याच संघाने जिंकले. यानंतर संघ प्लेऑफ्समध्ये पोहोचला आणि उपांत्य सामन्यात दिल्ली डेयरडेविल्स (आत्ताचे नाव दिल्ली कॅपिटल्स) संघाला पराभूत करून राजस्थान संघ अंतिम सामन्यात पोहोचला. अंतिम सामन्यात राजस्थान आणि एमएस धोनीच्या नेतृत्वातील चेन्नई सुपर किंग्ज संघ आमने सामने होता.