इंडियन प्रीमियर लीग (आयपीएल)च्या तेराव्या हंगामाला कालपासून (१९ सप्टेंबर) सुरुवात झाली आहे. आज या हंगामातील दूसरा सामना दुबई येथे दिल्ली कॅपिटल्स आणि किंग्स इलेव्हन पंजाब संघात खेळला जाणार आहे. हा सामना रात्री ७.३० वाजता खेळला जाईल. अशात दिल्लीचा धुरंदर शिखर धवन या सामन्यात मोठा विक्रम आपल्या नावावर करु शकतो.
‘गब्बर’ नावाने ओळखला जाणारा धवन याने आतापर्यंत आयपीएलमध्ये एकूण ३७ अर्धशतके ठोकली आहेत. जर या दमदार फलंदाजाने आज पंजाबविरुद्धच्या सामन्यात एक अर्धशतक लगावले, तर तो ‘मिस्टर आयपीएल’ सुरेश रैनाच्या अर्धशतकांची बरोबरी करु शकतो. Shikhar Dhawan 1 Fifty Will Equal Suresh Raina Record Of 38 Fifties
चेन्नई सुपर किंग्सच्या रैनाने आजवर आयपीएलमध्ये १९३ सामने खेळत एकूण ३८ अर्धशतके ठोकली आहेत. यासह आयपीएल इतिहासात सर्वाधिक अर्धशतके करणारा तो अव्वल क्रमांकाचा भारतीय फलंदाज आहे, तर जगातील दूसरा फलंदाज आहे. सनराइजर्स हैद्राबादचा कर्णधार डेव्हिड वॉर्नर हा आपल्या सर्वाधिक ४४ अर्धशतकांसह या यादीत अव्वल क्रमांकावर विराजमान आहे.
धवनच्या आयपीएलमधील आकडेवारींविषयी बोलायचं झाले तर, त्याने आतापर्यंत एकूण १५९ सामने खेळले आहेत. त्यात त्याने ३७ अर्धशतके लगावली आहेत. पण त्याला आतापर्यंत एकही शतक ठोकण्यात यश आले नाही. त्याची सर्वाधिक धावसंख्या ९७ इतकी आहे. याव्यतिरिक्त धवन हा आयपीएलमध्ये १०० षटकार मारण्याच्या विक्रमापासून ४ पाऊले दूर आहे. त्याने आयपीएलमध्ये ९६ षटकार मारले आहेत.
महत्त्वाच्या बातम्या –
मुंबई इंडियन्सची गेल्या ७ वर्षांची परंपरा कायम; यावर्षीही…
‘कॅप्टनकूल’ एमएस धोनीच्या शिरपेचात आणखी एक मानाचा तुरा; असा पराक्रम करणारा पहिलाच कर्णधार
कोण होणार आयपीएलमधला सर्वात मोठा गेम चेंजर; भारतीय दिग्गजाने सांगितले नाव
ट्रेंडिंग लेख –
सौरभ तिवारी आणि मुंबई इंडियन्स ‘ये रिश्ता कुछ तो कहलाता है’
‘तो’ संघ जो आयपीएलची सुरुवात होण्याआधीच बनतो अंतिम सामन्याचा दावेदार!
मुंबई इंडियन्सच्या फिरकी आक्रमणाचा नवा स्तंभ
