लंका प्रीमिअर लीगच्या पाचव्या सामन्यात जाफना स्टॅलियन्सने दांबुला वीकिंग्सचा ६६ धावांनी पराभव करत आपला सलग दुसरा विजय मिळवला. कर्णधार थिसारा परेराच्या वादळी खेळीने जाफना स्टॅलियन्सच्या विजयात महत्त्वाची भूमिका बजावली. विजयानंतर परेराने प्रतिक्रिया देताना म्हटले, कर्णधार म्हणून मी केलेल्या कामगिरीचा मला अभिमान आहे.
जाफना स्टॅलियन्सचा दणदणीत विजय
हंबनटोटा येथे झालेल्या पाचव्या सामन्यात जाफना स्टॅलियन्सने दांबुला वीकिंग्सचा ६६ धावांनी पराभव केला. परेराने अवघ्या ४४ चेंडूत ९७ धावांची तुफानी खेळी केली. यात ८ चौकार व ७ गगनचुंबी षटकारांचा समावेश होता. परेराच्या खेळीमुळे स्टॅलियन्सने २१८ धावांचा डोंगर उभा केला. प्रत्युत्तरात, दांबुला वीकिंग्सचा संघ १५२ धावांवर बाद झाला. स्टॅलियन्सकडून उस्मान शेनवारी याने सर्वाधिक तीन गडी बाद केले. परेराने गोलंदाजीतही दोन बळी आपल्या नावे केले. सलग दोन विजयांसह जाफना स्टॅलियन्सने गुणतालिकेत अव्वल स्थान पटकावले.
मी केलेल्या कामगिरीचा मला अभिमान आहे
सामनावीर ठरलेल्या परेराने आपली प्रतिक्रिया देताना म्हटले, “कर्णधार म्हणून केलेल्या अष्टपैलू कामगिरीचा मला अभिमान आहे. जेव्हा मी फलंदाजीसाठी उतरलो, तेव्हा मी निकालाबद्दल विचार केला नव्हता. आम्ही आणखी धावा करायला हव्या होत्या. परंतु, आमच्या गोलंदाजांनी चांगली कामगिरी केली. या मैदानावर २०० धावांचा पाठलाग सहज करता येतो.”
जाफना स्टॅलियन्स गुणतालिकेत अव्वलस्थानी
परेराच्या नेतृत्वाखालील जाफना स्टॅलियन्सने गुणतालिकेत अव्वलस्थान काबीज केले आहे. त्यांनी पहिल्या सामन्यात शाहिद आफ्रिदी नेतृत्त्व करत असलेल्या गाले ग्लेडिएटर्सचा पराभव केला होता.
महत्त्वाच्या बातम्या-
‘याचे निर्णय माझ्या समजण्या पलिकडचे’, विराटवर कडाडला माजी भारतीय कर्णधार
“वॉर्नर दीर्घकाळ दुखापतग्रस्त राहिल्यास भारतीय संघाला फायदाच होईल”
ट्रेंडिंग लेख-
भारतीय गोलंदाजांना रडकुंडीला आणत सर्वाधिक शतके ठोकणारे ३ धडाकेबाज फलंदाज
या ५ कारणांमुळे भारताचा ऑस्ट्रेलिया विरुद्ध सलग दुसऱ्या सामन्यात पराभव
क्रिकेट जगतातील ५ सर्वोत्तम गोलंदाजी ‘रन-अप’, घातक गोलंदाजीसाठी व्हायची मदत