भारतीय संघाचा कर्णधार विराट कोहलीने आपल्या फीटनेसचे श्रेय भारतीय क्रिकेट संघाचे माजी स्ट्रेंग्थ आणि कंडीशनिंग प्रशिक्षक शंकर बासू यांना दिले आहे. जेव्हापर्यंत क्रिकेट खेळेल तोपर्यंत उत्साहने फीटनेससाठी अशीच मेहनत घेईल आहे, असे रविवारी (१७ मे) भारतीय फुटबॉल संघाचा कर्णधार सुनील छेत्रीबरोबर झालेल्या इंस्टाग्राम लाईव्ह सेशनमध्ये बोलताना विराट म्हणाला.
फीटनेसच्या बाबतीत स्वत:मध्ये झालेल्या बदलांबद्दल बोलताना विराट (Virat Kohli) म्हणाला की, “फीटनेस (Fitness) आणि प्रशिक्षण माझ्यासाठी सर्वकाही आहे. मी याचे श्रेय स्वत:ला देणार नाही. माझ्या कारकीर्दीला पुढे घेऊन जाण्याचे श्रेय शंकर बासू (Shankar Basu) यांना जाते.”
“बासू रॉयल चॅलेंजर्स बेंगलोरमध्ये (Royal Challengers Bangalore) प्रशिक्षक होते. त्यावेळी त्यांनी मला वजन उचलण्यास सांगितले. मी ते उचलण्याचे टाळत होतो, कारण मला पाठीचा त्रास होता. ते माझ्यासाठी नक्कीच नवीन होते. परंतु माझ्यात ३ आठवड्यांमध्ये जो काही बदल झाला तो खूप आश्चर्यचकीत करणारा होता,” असे सुनीलशी बोलताना विराट म्हणाला.
सध्याच्या क्रिकेटपटूंमध्ये सर्वात फीट खेळाडू समजला जाणारा विराट म्हणाला की, “यानंतर त्यांनी माझ्या आहारावर काम केले आहे. माझ्या शरीराबरोबर काय होतंय, यावर मी लक्ष देण्यास सुरु केली. त्यावेळी मला हे समजले की, माझ्या शारीरिक संरचनेमुळे मला माझ्या शरीरावर दोन किंवा तीन वेळा काम करावे लागेल. माझ्या कारकीर्दीसाठी जे महत्त्वाचे आहे तेच मी करत आहे.”
“जोपर्यंत मी खेळत आहे तोपर्यंत पूर्ण उत्साहाने हा फीटनेस कार्यक्रम सुरुच ठेवणार आहे. जेव्हा तुम्ही देशासाठी खेळता, तेव्हा तुम्हाला खूप मेहनत करावी लागते. जर तुम्ही असे केले नाही तर तुम्ही खेळापासून दूर गेले पाहिजे,” असे प्रशिक्षण आणि सरावाबद्दल बोलताना विराट म्हणाला.
सध्या लॉकडाऊन असल्यामुळे विराट आपल्या अंगणामध्येच धावण्याचा सराव करत आहे.
ट्रेंडिंग घडामोडी-
-या खेळाडूने बाॅर्डर पलिकडे भारताला मिळवुन दिला होता पहिला विजय
-संपुर्ण यादी- भारतीय संघाचे आजपर्यंतचे वनडे कर्णधार व त्यांचे विक्रम
-बीसीसीआयने खेळाडूंच्या सरावासंदर्भात घेतला मोठा निर्णय
