भारताच्या ‘या’ अष्टपैलूची कारकिर्द धोक्यात, पुन्हा दुखापतीमुळे झिम्बाब्वे दौऱ्यातून बाहेर?

भारतीय क्रिकेट संघाला गुरुवारपासून (१८ ऑगस्ट) झिम्बाब्वेविरुद्ध ३ सामन्यांची वनडे मालिका खेळायची आहे. ही मालिका सुरू व्हायला २ दिवस बाकी असताना भारतीय संघाला मोठा धक्का बसला आहे. भारताचा अष्टपैलू खेळाडू वॉशिंग्टन सुंदर हा खांद्याच्या दुखापतीमुळे झिम्बाब्वेविरुद्धच्या वनडे मालिकेतून बाहेर झाला आहे. दीर्घ काळातून झिम्बाब्वे दौऱ्यातून त्याने भारतीय संघात पुनरागमन केले होते. परंतु पुन्हा एकदा दुखापतीमुळे त्याला सामना खेळण्याआधीच बाहेरचा रस्ता धरावा लागला आहे. हा भारतीय संघासाठी मोठा धक्का असेल.

सुंदर (Washington Sundar) जवळपास एक वर्षापासून वेगवेगळ्या समस्यांमुळे संघातून बाहेर झाला आहे. त्याला जानेवारीत कोरोनाची लागण झाली होती. याच कारणामुळे तो संघातून बाहेर झाला होता. यानंतर त्याला दुखापत झाली होती, ज्यातून तो बरा झाला आणि काउंटी क्रिकेट खेळण्यासाठी इंग्लंडला गेला होता. येथे त्याने त्याच्या फिटनेस आणि फॉर्मला सिद्ध केले होते. परंतु स्पर्धेदरम्यान त्याला दुखापत झाली आणि तो अर्ध्यातूनच काउंटी क्रिकेटमधून बाहेर झाला होता.