भारत-अफगाणिस्तान सामन्यात मोठा राडा! चक्क अंपायरशी भिडले खेळाडू
इमर्जिंग आशिया कप 2024 च्या उपांत्य सामन्यात भारत 'अ' संघाचा अफगाणिस्तान 'अ' संघाविरुद्ध पराभव झाला
या सामन्यात एक धक्कादायक घटना घडली, ज्यानंतर खेळाडू चक्क अंपायरशी जाऊन भिडले
ही घटना अफगाणिस्तानच्या डावातील 15व्या षटकात घडली, जेव्हा आकिब खानच्या षटकात भारतीय संघानं फलंदाज जुबैद अकबरीविरुद्ध कॅचची अपील केली
भारतीय संघाच्या अपीलनंतर मैदानावरील पंचांनी टीव्ही अंपायर्सची मदत घेतली आणि अकबरीला बाद घोषित केलं
मात्र चेंडू बॅटला लागून विकेटकीपर पर्यंत पोहचला होता की नाही, हे स्पष्ट नव्हतं
टीव्ही अंपायरच्या निर्णयावर अकबरी आणि सेदिकुल्लाह अटल खूप नाराज दिसले. दोघांनी मैदानावरील पंचांशी वाद घालायला सुरुवात केली
दुसरीकडे, अफगाणिस्तानच्या कोचनं फलंदाजाला थांबण्यास सांगितलं. अखेर भरपूर राड्यानंतर जुबैद पॅव्हेलियनमध्ये परतला
या सामन्यात जुबैद अकबरीनं 41 चेंडूत 64 धावा केल्या. त्यानं अटलसोबत पहिल्या विकेटसाठी 137 धावांची भागिदारी केली