पुणे। आयसीएआयच्या पश्चिम विभागीय पुणे शाखे तर्फे आयोजित व लोकमान्य मल्टिपर्पज को-ऑप सोसायटी लिमिटेड व केस्टो बाईक्स यांच्या तर्फे सहप्रायोजित सहाव्या अमनोरा सीए आंतर फर्म क्रिकेट लीग 2019 स्पर्धेत स्टॅलियन्स, रॉयल्स, कल्याणीवाला अँड मिस्त्री, एसबीएच स्मॅशर्स या संघांनी आपापल्या प्रतिस्पर्ध्यांचा पराभव करून आजचा उदघाटनाचा दिवस गाजवला आहे.
कटारिया हायस्कुल क्रिकेट मैदान, मुकुंदनगर येथे आजपासून सुरु झालेल्या या स्पर्धेत चंकीत धनुकाच्या उपयुक्त 26 धावांच्या खेळीच्या जोरावर एसबीएच स्मॅशर्स संघाने एसपीसीएम स्ट्रायकर्सचा 7 गडी राखून पराभव केला. प्रथम फलंदाजी करताना विश्वजीत चव्हाण 15, रिषभकुमार भन्सारी 10, सीए संकेत नाहाटा 10 यांनी केलेल्या धावांच्या जोरावर एसपीसीएम स्ट्रायकर्स संघाला 8 षटकात 4 बाद 44 धावाच करता आल्या. एसबीएच स्मॅशर्स संघाने हे आव्हान 5.2 षटकात 3बाद 45धावा करून पूर्ण केले. यात चंकीत धनुकाने 15 चेंडूत नाबाद 26 धावांची खेळी करून संघाच्या विजयात मोलाचा वाटा उचलला.
दुसऱ्या सामन्यात सीए आत्मन बागमार(नाबाद 33धावा व 1-18)याने केलेल्या अष्टपैलू कामगिरीच्या जोरावर रॉयल्स संघाने बीस्मार्ट संघाचा 5 गडी राखून पराभव केला. पहिल्यांदा खेळताना बीस्मार्ट संघाने 8 षटकात 4 बाद 84 धावा केल्या. यामध्ये किशन जैनने 20 चेंडूत 4 चौकार व 4 षटकारांसह 49 धावा काढून संघाच्या डावाला आकार दिला. रॉयल्स संघाने हे आव्हान 7.2 षटकात 5 गड्यांच्या बदल्यात 85 धावा काढून पूर्ण केले. सीए आत्मन बागमारने 17 चेंडूत नाबाद 33 धावा व पार्थ पाडियाने 14 चेंडूत 23 धावांची खेळी करून संघाला विजय मिळवून दिला. अन्य लढतीत चिन्मय बिडकरच्या नाबाद 57 धावांच्या खेळीच्या जोरावर कल्याणीवाला अँड मिस्त्री संघाने सी अँड स्टायकर्स संघावर 66 धावांनी विजय मिळवला.
स्पर्धेचे उदघाटन सोलारिस क्लबचे संचालक जयंत पवार, अमनोरा ग्रुपचे संचालक अनिरुद्ध देशपांडे, लोकमान्य मल्टिपर्पज को-ऑप सोसायटी लिमिटेडचे साहाय्यक विभागीय व्यवस्थापक हर्षद झोडगे व केस्टो बाईक्सचे परमजीत नारंग यांच्या हस्ते करण्यात आले. यावेळी डब्लूआयआरसी ऑफ आयसीएआयचे माजी उपाध्यक्ष सीए सर्वेश जोशी आणि पुणे विभागाचे अध्यक्ष सीए आनंद जाखोटिया, सीए योगेश पोद्दार, सीए सचिन पारख, सीए आनंद गावडे, सीए सुमित शहा आणि सीए अक्षय पुरंदरे आदी मान्यवर उपस्थित होते.
स्पर्धेचा सविस्तर निकाल-
साखळी फेरी-
मास्टर ब्लास्टर्स- 8 षटकात 4 बाद 72 धावा(सुमीत शर्मा 28(14,1×4), अथर्व गुदराथी 15(20), आयुष तिवारी 1-20, साहिल पारख 1-24) पराभूत वि स्टॅलियन्स- 7.3 षटकात 2 बाद 75 धावा(हितेश हरवाणी 33(13,2×4,3×6), राघवेंद्र के 19(13,2X4), जुगल शहा 1-24) सामनावीर- हितेश हरवाणी; स्टॅलियन्स संघाने 8 गडी राखून सामना जिंकला.
एसपीसीएम स्ट्रायकर्स- 8 षटकात 4 बाद 44 धावा(विश्वजीत चव्हाण 15(16), रिषभकुमार भन्साली 10(16), संकेत नाहटा 10(10), क्रिश सुगणानी 1-3) पराभूत वि एसबीएच स्मॉशर्स- 5.2 षटकात 3 बाद 45 धावा(चंकीत धाणुका नाबाद 26(15,4×4), कुशल जैन नाबाद 9, मयुरेश पलरेशा 3-8) सामनावीर- चंकीत धणुका; एसबीएच स्मॉशर्स संघाने 7 गडी राखून सामना जिंकला.
बीएसमार्ट- 8 षटकात 4 बाद 84 धावा(किशन जैन 49(20,4×4,4×6), चेतन गांधी 10(10), पार्थ पाडीया 1-13, आत्मन बगमार 1-18) पराभूत वि रॉयल्स: 7.2 षटकात 5 बाद 85 धावा(आत्मन बगमार नाबाद 33(17,2×4), पार्थ पाडीया 23(14,3×4,1×6), पियुष अगरवाल 2-23) सामनावीर- आत्मन बगमार; रॉयल्स संघाने 5 गडी राखून सामना जिंकला.
कल्याणीवाला अँड मिस्त्री- 8 षटकात 3 बाद 111 धावा(चिन्मय बिडकर नाबाद 57(21,2×4,5×6), अभिजीत जगताप 32(18,3×4), प्रसन्न केंजळे 1-18, अदित्य राणडे 1-21) वि.वि सी अँड एल स्ट्रायकर्स- 8 षटकात 7 बाद 45 धावा(प्रियांक 16, विशाल कुलकर्णी 9, अभिजीत कुलकर्णी 3-11, लोकेश नाहर 2-21) सामनावीर- चिन्मय बीडकर; कल्याणीवाला अँड मिस्त्री संघाने 66 धावांनी सामना जिंकला.