इन्फोसिस आंतर आयटी टी-२० क्रिकेट करंडक स्पर्धेत कॅपजेमिनी, विप्रो, टीएटो, केपीआयटी संघांचा उपांत्यपुर्व फेरीत प्रवेश

पुणे। महाराष्ट्र क्रीडा यांच्या तर्फे आयोजित व इन्फोसिस रिक्रिएशन क्लब पुरस्कृत इन्फोसिस आंतर आयटी टी-20क्रिकेट स्पर्धेत कॅपजेमिनी, विप्रो, टीएटो व केपीआयटी या संघांनी आपापल्या प्रतिस्पर्ध्यांचा पराभव करत उपांत्यपुर्व फेरीत प्रवेश केला.

हिंजवडी फेज 2 येथील इन्फोसिस क्रिकेट मैदानावर सूरू असलेल्या या स्पर्धेत अयुष तिवारीच्या अफलातून गोलंदाजीच्या जोरवार कॅपजेमिनी संघाने सिमेंस संघाचा 41 धावांनी दणदणीत पराभव करत उपांत्यपुर्व फेरीत प्रवेश केला. पहिल्यांदा खेळताना राहुल मालवीयच्या 61 व फनिंद्र पायलाच्या 33 धावांसह कॅपजेमिनी संघाने 20 षटकात 9 बाद 163 धावा केल्या. 163 धावांच्या आव्हानाचा पाठलाग करताना अयुष तिवारी, अंश झा व गुरप्रीत सिंग यांच्या अचूक गोलंदाजीपुढे सिमेंस संघ केवळ 18.2 षटकात सर्वबाद 122 धावांत गारद झाला. अयुष तिवारीने अफलातून गोलंदाजी करत 4 षटकात केवळ 23 धावा देत 4 गडी बाद केले तर अंश झा याने 17 धावात 3 गडी बाद करत संघाला विजय मिळवून दिला. अयुष तिवारी सामनावीर ठरला.

विनित वैष्णवीच्या अष्टपैलु कामगिरीच्या जोरावर विप्रो संघाने आयडीयाज संघाचा 6 गडी राखून पराभव करत उपांत्यपुर्व फेरीत प्रवेश केला. पहिल्यांदा खेळताना सुशांत सिन्हा व शब्बीर सय्यद यांच्या अचूक गोलंदाजीने आयडीयाज् संघाचा डाव 20 षटकात 9 बाद 101 धावांत रोखला. 101 धावाचे लक्ष विनित वैष्णवीच्या 36 व रोहन भांगेच्या 22 धावांसह विप्रो संघाने केवळ 10.2 षटकात 4 बाद 102 धावा करून पुर्ण करत उपांत्यपुर्व फेरीत प्रवेश केला.

अन्य लढतीत टीएटो संघाने धनाजी कलाकेच्या अष्टपैलु कामगिरीच्या बळावर टीसीएस संघाचा 6 गडी राखून तर देबोल दासच्या हॉट्रीक कामगिरीच्या जोरावर केपीआयटी संघाने मर्क्स संघाचा 8 गडी राखून पराभव करत उपांत्यपुर्व फेरीत प्रवेश केला.

स्पर्धेचा सविस्तर निकाल- साखळी फेरी

कॅपजेमिनी- 20 षटकात 9 बाद 163 धावा(राहुल मालवीय 61 (40), फनिंद्र पायला 33 (19), सौरभ दावरे 4/13 , सैम्य मोहंती 2/22) वि.वि सिमेंस- 18.2 षटकात सर्वबाद 122 धावा(अतूल पवार 43 (26), हिमांशू अगरवाल 32 (35), अयुष तिवारी 4/23 , अंश झा 3/17 , गुरप्रीत सिंग 2/27) सामनावीर- अयुष तिवारी
कॅपजेमिनी संघाने 41 धावांनी सामना जिंकला.

आयडीयाज्‌ – 20 षटकात 9 बाद 101 धावा(रोझेबेह भार्डा 25 (19), सुशांत सिन्हा 3/23 , शब्बीर सय्यद 2/18) पराभूत वि विप्रो- 10.2 षटकात 4 बाद 102 धावा(विनित वैष्णवी 36 (21), रोहन भांगे 22 (10), रिषभ नोटानो 4/24)सामनावीर- विनित वैष्णवी
विप्रो संघाने 6 गडी राखून सामना जिंकला.

टीसीएस- 20 षटकात 6 बाद 145 धावा(विक्रमजीत सिंग 24 (20), गौरव भालेराव 32 (31), निकुंज अगरवाल 46 (29), धनाजी कलाके 2/27) पराभूत वि टीएटो- 18.4 षटकात 4 बाद 147 धावा(प्रशांत दुधाने 45 (26), धनाजी कलाके 45 (30), विक्रम माळी नाबाद 42 (36), गौरव भालेराव 2/18) सामनावीर- धनाजी कलाके
टीएटो संघाने 6 गडी राखून सामना जिंकला.

मर्क्स- 20 षटकात 9 बाद 94 धावा(व्यंकटेश अय्यर नाबाद 31 (34), राघव त्रिवेदी 23 (17), देबोल दास 3/06, फरझान शेख 2/22) पराभूत वि केपीआयटी- 14.2 षटकात 2 बाद 96 धावा(अलोक नागराज नाबाद 54 (49), मयुरेश लिखिते 22 (22), व्यंकटेश अय्यर 2/47) सामनावीर- देबोल दास
केपीआयटी संघाने 8 गडी राखून सामना जिंकला.