पुणे। पीवायसी हिंदू जिमखाना यांच्या वतीने आयोजित पीवायसी चॅलेंजर करंडक 3दिवसीय वरिष्ठ गटाच्या निमंत्रित क्रिकेट स्पर्धेत बाद फेरीत दुसऱ्या दिवशी तुषार श्रीवास्तव(नाबाद 261)याने केलेल्या धडाकेबाज द्विशतकी खेळीच्या जोरावर डेक्कन जिमखाना संघाने 520 धावांचे आव्हान उभे केले आहे. तर दुसऱ्या सामन्यात संग्राम अतितकर(160धावा)याने केलेल्या धडाकेबाज फलंदाजीच्या जोरावर पूना क्लब संघाने पीवायसी हिंदू जिमखाना संघाविरुद्ध 230धावांची आघाडी मिळवली आहे.
डेक्कन जिमखाना क्रिकेट मैदानावरील तीन दिवसीय सामन्यात दुसऱ्या दिवशी डेक्कन जिमखाना संघाचा डाव 5बाद 280धावांपासून पुढे सुरु झाला. यात तुषार श्रीवास्तवने तुफानी फलंदाजी करताना 392चेंडूत 34चौकार व 5षटकारांच्या मदतीने 261 धावा करून संघाला धावांचा डोंगर उभा करून दिला. तुषार व आशय पालकर(नाबाद 67धावा) यांनी सहाव्या गडयासाठी 282 चेंडूत 143धावा करून संघाच्या डावाला आकार दिला. त्यानंतर आशय पालकर बाद झाल्यावर तुषारने दिग्विजय देशमुख(56धावा)च्या साथीत 158चेंडूत 112 धावांची भागीदारी करून संघाला मोठी धावसंख्या उभारून दिली. याच्या उत्तरात केडन्स संघाने 31षटकात 4बाद 101धावा( केल्या आहेत. यात चिराग खुराना नाबाद 70धावा, तर अजित गव्हाणे नाबाद 3धावांवर खेळत आहे. डेक्कन व केडन्स यांच्यातील सामन्याचा अजून एक दिवसाचा खेळ बाकी आहे.
पीवायसी हिंदू जिमखाना क्रिकेट मैदानावरील सामन्यात आज पूना क्लबचा डाव 2बाद 75धावावरून पुढे सुरु झाला. यात संग्राम अतितकरने सुरेख फलंदाजी करत 204चेंडूत 21चौकार व 4षटकारांच्या मदतीने 160 धावा केल्या. संग्रामला अकिब शेखने 65धावा, ओंकार आखाडेने नाबाद 17, यश नाहरने 33(23,7×4), ऋषिकेश मोटकरने 33 धावा करून सुरेख साथ देत संघाला पहिल्या डावात आघाडी मिळवून दिली. तत्पूर्वी काल पीवायसी हिंदू जिमखाना संघ 54.4षटकात 145धावावर संपुष्टात आला. पूना क्लब व पीवायसी यांच्यातील लढतीचा अजून एक दिवसाचा खेळ शिल्लक आहे.
तिसऱ्या सामन्यात एमसीए संयुक्त जिल्हा संघाने प्रथम फलंदाजी करताना आज दिवसअखेर 87षटकात 7बाद 369धावा केल्या. यात विषांत मोरे 53, तनिश जाधव 49, अंकित बावणे 45, मेहुल पटेल 40, रंजित निकम नाबाद 78, अनुपम संकलेचा नाबाद 73 यांनी संघाला पहिल्या डावात आव्हानात्मक धावसंख्या उभारून दिली.
स्पर्धेचा सविस्तर निकाल: बाद फेरी:
डेक्कन जिमखाना क्रिकेट मैदान: पहिला डाव: डेक्कन जिमखाना: 133षटकात 7बाद 520धावा(डाव घोषित)(तुषार श्रीवास्तव नाबाद 261(392,34×4,5×6), आशय पालकर नाबाद 67(144,10×4,1×6), दिग्विजय देशमुख 56(91,5×4, 2×6), स्वप्निल गुगळे 28, शुभम नागवडे 16, धीरज फतंगरे 13, शुभम हरपाळे 19-74-2, यतीन मंगवानी 17-63-2, सिद्धेश वरघंटी 19-60-2) वि.केडन्स: 31षटकात 4बाद 101धावा(चिराग खुराना नाबाद 70(88,14×4), अजित गव्हाणे नाबाद 3, आशय पालकर 8-47-1, आत्मन पोरे 7-21-1);
पीवायसी हिंदू जिमखाना क्रिकेट मैदान: पहिला डाव: पीवायसी हिंदू जिमखाना: 54.4षटकात सर्वबाद 145धावा(अमेय भावे 59(143,8×4), करण जाधव 37(76,6×4), अभिषेक परमार 17, राजकमल चौहान 14.4-41-4, प्रशांत सिंग 18-53-3)वि.पूना क्लब: 109षटकात 7बाद 375धावा(संग्राम अतितकर 160(204,21×4, 4×6), अकिब शेख 65(81,10×4, 3×6), ओंकार आखाडे नाबाद 17, यश नाहर 33(23,7×4), ऋषिकेश मोटकर 33(101,6×4), अमेय भावे 10-49-2, दिव्यांग हिंगणेकर 14-24-1, आदित्य दावरे 12-51-1); पूना क्लब संघाकडे पहिल्या डावात 230धावांची आघाडी;
एमसीए गहुंजे क्रिकेट मैदान: एमसीए संयुक्त जिल्हा संघ: 87षटकात 7बाद 369धावा(विषांत मोरे 53(88,10×4,1×6), तनिश जाधव 49(103,8×4), अंकित बावणे 45(71,5×4,1×6), मेहुल पटेल 40, रंजित निकम नाबाद 78(97,6×4,5×6), अनुपम संकलेचा नाबाद 73(59,8×4,2×6), शुभम कोठारी 25-76-3, सुदीप फाटक 10-32-1)वि.एमसीए संयुक्त क्लब संघ.