भारतीय संघाचा कर्णधार विराट कोहली अनेक वेळा त्रिफळाचीत झाला आहे. २०१८मध्ये त्याला इंग्लंडविरुद्ध एका वनडे सामन्यात आदिल रशीदने त्रिफळाचीत केले होते. यादरम्यानचा व्हिडिओ इंग्लंड आणि वेल्स क्रिकेट बोर्डाने शेअर करत विराटला त्या विकेटची आठवण करून दिली आहे.
हेडिंग्ले येथे झालेल्या तिसऱ्या वनडे सामन्यात विराट ७१ धावांवर खेळत होता. त्यावेळी आदिल रशीद (Adil Rashid) सामन्यातील ३१ वे षटक टाकत होता. त्यावेळी त्याने पहिल्याच चेंडूत विराटला त्रिफळाचीत केले होते.
तेव्हा विराट पूर्ण फॉर्ममध्ये होता. तसेच आपल्या शतकी खेळीच्या दिशेने वाटचाल करत होता. परंतु रशीदच्या चेंडूवर त्याला खेळता आले नाही. तो बाद झाल्यानंतर आश्चर्यचकीत झाला होता की या चेंडूसाठी त्याने पूर्ण सावधान राहूनही चूकी कशी झाली.
यावर ईसीबीने (England and Wales Cricket Board) विराटची मजा घेतली आहे. त्यांनी हा व्हिडिओ शेअर करत कॅप्शनमध्ये विराटला टॅग करत लिहिले की, “तो सर्वोत्कृष्ट चेंडू, ज्याचा तू आपल्या कारकीर्दीत सामना केला आहेस विराट कोहली?”
The best ball you've ever faced @imVkohli? pic.twitter.com/5eovbWEn2q
— England Cricket (@englandcricket) May 8, 2020
या वनडे मालिकेत विराट सलग ३ सामन्यांमध्ये फिरकीपटू गोलंदाजांविरुद्ध बाद होत होता. मालिकेच्या पहिल्या आणि तिसऱ्या सामन्यात रशीदने विराटची विकेट घेतली होती. तर, दुसऱ्या वनडे सामन्यात त्याला मोईन अलीने (Moeen Ali) बाद केले होते.
ट्रेंडिंग घडामोडी-