पाकिस्तानच्या सर्वोत्कृष्ट खेळाडूंमध्ये गणल्या जाणाऱ्या इम्रान खान आणि जावेद मियादांद या दिग्गजांचे विक्रम मोडण्याची क्षमता कोणत्या खेळाडूमध्ये असेल, तर तो आहे शोएब मलिक. पाकिस्तानच्या या अष्टपैलू क्रिकेटपटूने काल (२८ ऑगस्ट) मँचेस्टर येथे इंग्लंडविरुद्ध झालेल्या पहिल्या टी२० सामन्यात हा कारनामा केला आहे. ३८ वर्षीय शोएबने सर्वात लांब कारकिर्द (दिर्घकाळ आंतरराष्ट्रीय क्रिकेट खेळलेला खेळाडू) असणाऱ्या पाकिस्तानी खेळाडूंच्या यादीत इम्रान खान आणि जावेद मियादांद यांना मागे टाकले आहे. Shoaib Malik Broke Imran Khan And Jawed Miandad Record Of Longest Career
इंग्लंडविरुद्ध होणाऱ्या ३ सामन्यांच्या टी२० मालिकेतील पहिला सामना हा शोएबचा ११४वा टी२० सामना होता. त्यामुळे, वनडेतील २८७ सामने आणि कसोटीतील ३५ सामने मिळून शोएबने आतापर्यंत ४३६ आंतरराष्ट्रीय सामने खेळले आहेत. याबरोबर त्याच्या आंतरराष्ट्रीय क्रिकेटमधील पदार्पणाला काल २० वर्षे ३१९ दिवस पूर्ण झाले. त्याने १४ ऑक्टोबर १९९९ला वेस्ट इंडिजविरुद्धच्या वनडे सामन्यातून आंतरराष्ट्रीय क्रिकेटमध्ये पदार्पण केले होते.
सर्वात लांब क्रिकेट कारकिर्द असणाऱ्या पाकिस्तानी खेळाडूंच्या यादीत इम्रान खान आणि जावेद मियांदाद हे शोएबच्या पुढे होते. इम्रान खान यांची क्रिकेट कारकिर्द २० वर्षे २९६ दिवसांची होती, तर मियांदादची २० वर्षे २७२ दिवसांची. असे असले तरी, शोएब या विक्रमामध्ये अजूनही पाकिस्तानचा क्रिकेटपटू शाहिद आफ्रिदीच्या मागे आहे. आफ्रिदी हा एकमेव पाकिस्तानी क्रिकेटपटू आहे, ज्याची कारकिर्द २१ वर्षांपेक्षा जास्त मोठी राहिली आहे. २०१८मध्ये आंतरराष्ट्रीय क्रिकेटमधून निवृत्ती घेतलेल्या आफ्रिदीची आंतरराष्ट्रीय कारकिर्द २१ वर्षे २४१ दिवसांची राहिली आहे.
सर्वात लांब आंतरराष्ट्रीय कारकिर्द असणाऱ्या खेळाडूंच्या यादीत अव्वल क्रमांकावर इंग्लंडच्या विल्फ्रेड रोड्स यांचे नाव आहे. त्यांची कारकिर्द सर्वाधिक ३० वर्षे ३१५ दिवसांची राहिली आहे. तर, दूसऱ्या क्रमांकावर ब्रायन क्लोज, तिसऱ्या क्रमांकावर फ्रँक वूली आणि चौथ्या क्रमांकावर जॉर्ज हेडली यांचे नाव आहे. तर, मास्टर ब्लास्टर सचिन तेंडूलकरचे नाव यादीत पाचव्या क्रमांकावर आहे. सचिनची आंतरराष्ट्रीय कारकिर्द तब्बल २४ वर्षे एक दिवसाची राहिली आहे. तर यादीत शोएब १५व्या क्रमांकावर आहे. त्यामुळे सचिनचा हा विक्रम शोएबकडून मोडला जाणे तसे कठीण दिसते. कारण शोएब आता केवळ टी२० क्रिकेट खेळताना दिसतो.
महत्त्वाच्या बातम्या –
भारतीयांसाठी व्हिलन ठरलेला माजी क्रिकेटर म्हणतोय, धोनी ५० वर्षातील सगळ्यात भारी कर्णधार
एकेवेळी शाळेची फी भरायला पैसे नसलेला क्रिकेटर झालाय करोडपती, आयपीएलमध्ये करतो…
सीएसकेच्या १३ पॉझिटिव्ह सदस्यांमधील ‘या’ २ खेळाडूंची नावं आली समोर
ट्रेंडिंग लेख –
बापरे! तुमची लाडकी मुंबई इंडियन्स युएईत रहाते अतिशय महागड्या हॉटेलात, एका दिवसाचे भाडे…
सीएसकेला तो कॅम्प पडला भलताच महागात, आता होऊ शकते आयपीएलमधून बाहेर?
एकाच ओव्हरमध्ये ३० धावा काढणारे आयपीएलमधील ५ सुपरस्टार, एकाने तर ३७ धावांचा केलाय कारनामा