आठ आंतरराष्ट्रीय संघाचे सर्वाधिक कमाई करणारे कोण आहे क्रिकेटपटू, घ्या जाणून

खेळाच्या विश्वात अनेक मोठे खेळाडू कोट्यावधी रुपयांचे मानधन मिळवतात. फुटबॉलमध्ये सर्वात जास्त पैसा आहे. त्यामध्ये खेळाडूंना सर्वात जास्त मानधन मिळते. परंतु फुटबॉलशिवाय असे अनेक खेळ आहेत, ज्यात खेळाडू मालामाल होतात. त्यात क्रिकेटचाही समावेश आहे. सध्याच्या आंतरराष्ट्रीय क्रिकेटमध्ये असे बरेच खेळाडू आहेत, ज्यांची कमाई लाखोंच्या घरात आहे. क्रिकेटपटू त्यांच्या कामगिरी आणि नावामुळे अनेक प्रकारचे जाहिराती देखील करतात आणि त्याचबरोबर ते त्यांच्या बोर्डाकडून कोटींनी पैसा कमावतात.

क्रिकेटच्या विश्वातील आंतरराष्ट्रीय संघाबद्दल बोलायचे झाले तर काही खेळाडू असे आहेत. जे कमाईमध्ये सर्वात पुढे आहेत. आपण आज या लेखातून क्रिकेटविश्वातील  8 आंतरराष्ट्रीय संघातील सर्वात जास्त कमाई करणाऱ्या खेळाडूंची माहिती करून घेऊया.

1) धनंजय डी सिल्वा (श्रीलंका)
आंतरराष्ट्रीय क्रिकेटमध्ये मागील काही वर्षापासून श्रीलंका संघाचे प्रदर्शन खूप वाईट होत आहे. श्रीलंका क्रिकेट संघातील काही मुख्य खेळाडूंनी निवृत्ती घेतल्यानंतर या संघाच्या चांगल्या प्रदर्शनाचा आलेख कमी कमी होत चाललेला दिसतोय. परंतु या सर्वात श्रीलंकेच्या एका खेळाडूने चांगली कामगिरी केली आहे. हा खेळाडू आहे श्रीलंका संघाचा अष्टपैलू खेळाडू धनंजय डी सिल्वा यांनी उत्तम प्रदर्शन केले. धनंजयने आपल्या कामगिरीतून तिन्ही प्रकारांत आपली छाप सोडली आहे. याच कारणास्तव तो श्रीलंका संघातून सर्वात जास्त कमाई करतो धनंजय 1 लाख डॉलरची कमाई करतो.

2) बाबर आझम (पाकिस्तान)
पाकिस्तान क्रिकेट संघात आताच्या स्थितीला बाबर आजम सर्वात उत्कृष्ट खेळाडू आहे. पाकिस्तानच्या संघात त्याच्यापेक्षाही काही वरिष्ठ खेळाडू आहेत. परंतु कामगिरीमध्ये बाबर आजमची तोड नाही. तो पाकिस्तानसाठी सतत विश्वासार्ह ठरत आहे. त्या कारणामुळे त्याला कर्णधारपद देखील मिळाले आहे. जो तिन्ही प्रकारात जबरदस्त कामगिरी करतोय. आज आजमच्या कामगिरीमुळे पाकिस्तान बोर्डाने करारामध्ये त्याला प्रथम श्रेणीमध्ये स्थान देत आहे. आजमची कमाई 64.40 लाख इतकी आहे पाकिस्तान खेळाडूंमध्ये सर्वात जास्त कमाई आज आजमची आहे.

3) जेसन होल्डर (वेस्ट इंडीज)
वेस्ट इंडीज संघाचे सध्या खूप हाल चालले आहेत. संघातील खेळाडू हे आंतरराष्ट्रीय क्रिकेटकडे लक्ष देण्याऐवजी लीग क्रिकेट जास्त प्रमाणात खेळत असल्याची चर्चाही होतात. तसे पाहायला गेले तर वेस्ट इंडीजकडे उत्तम खेळाडू आहेत. परंतु लीग क्रिकेट खेळत असल्यामुळे ते नियमितपणे राष्ट्रीय संघात खेळत नाहीत. परंतु वेस्ट इंडिजचा माजी कसोटी कर्णधार होल्डर तिन्ही प्रकारात अष्टपैलू कामगिरीने आपली छाप सोडली आहे. त्या कारणामुळे वेस्टइंडीज क्रिकेट बोर्ड होल्डरला 3 लाख डॉलर इतकी म्हणजेच 2.8 करोड रुपये मानधन देत आहे.

4) डीन एल्गार (दक्षिण अफ्रीका)
दक्षिण आफ्रिकेचे हाल देखील श्रीलंका सारखेच आहेत. संघाचा आलेख मागील काही वर्षापासून खालावत चाललेला आहे. तसं तर संघात क्विंटन डी कॉक, रबाडा, फाफ डु प्लेसिस यांसारखे खेळाडू आहेत. परंतु संघाचे प्रदर्शन वाईट होते. क्विंटन डी कॉक आणि रबाडा यांनी तीनही प्रकारात उत्कृष्ट कामगिरी केली आहेच. परंतु संघात कसोटी सलामवीर डीन एल्गार महत्त्वाचा खेळाडू आहे. याच्या उत्कृष्ट प्रदर्शनामुळे सर्वात जास्त कमाई हा खेळाडू करतो. फक्त कसोटी मालिकाच खेळतो. त्याच्या सातत्यपूर्ण कामगिरीमुळे दक्षिण आफ्रिका बोर्ड त्याला 4 लाख 50 हजार डॉलर म्हणजेच 3.2 करोड रुपये देते.

5) केन विलियम्सन (न्यूजीलंड)
क्रिकेट विश्वात सध्याच्या स्थितीत न्यूजीलंड क्रिकेट संघाचे स्थान उत्तम संघात मोडले जाते. न्यूजीलंड तिन्ही प्रकारात उत्कृष्ट कामगिरी करत आहे. तिन्ही प्रकारात त्यांचा कर्णधार केन विलियम्सन आहे. इतकेच नव्हे तर एक उत्तम फलंदाजही आहे. याच कारणास्तव न्यूजीलंड बोर्ड त्यांना सर्वात जास्त म्हणजेच 3.2 करोड रुपये मानधन देते.

6)ऍरोन फिंच (ऑस्ट्रेलिया)
मागील काही वर्षापासून ऍरोन फिंचकडे ऑस्ट्रेलियाच्या मर्यादीत षटकांचे कर्णधारपद आहे. त्याने कर्णधारपद सांभाळत उत्कृष्ट कामगिरी देखील केली. कसोटी सामनापासून लांब असेल तरीही त्याची मर्यादीत षटकांची कामगिरी चांगली झाली आहे. ऑस्ट्रेलिया बोर्ड सर्वात जास्त म्हणजे 5.46 करोड रुपये मानधन देते.

7) विराट कोहली (भारत)
क्रिकेट विश्वात विराट कोहलीचे नाव उच्च स्थानावर आहे. भारतीय संघाचा कर्णधार विराट कोहलीचे प्रदर्शन देखील संघाच्या प्रदर्शनाची जोडले जाते. ज्यामुळे भारतीय संघ आज उच्चस्तरावर आहे. भारतीय संघाचे तीनही प्रकारात उत्कृष्ट प्रदर्शन दिसते. विराट कोहलीची कामगिरी आणि उत्कृष्ट कर्णधारपद या दोन्ही योगदानामुळे सर्वात जास्त मानधन विराट कोहलीला मिळते. बीसीसीआय त्याला वर्षाला 7 करोड इतके मानधन देते.

8) जो रूट (इंग्लंड)
इंग्लंड संघाने मागील काही वर्षापासून आपला दबदबा कायम ठेवला आहे. 2015 च्या विश्‍वचषकनंतर तीनही स्तरावरील कामगिरीमध्ये त्याने काही बदल केले. त्यामुळे संघाचा प्रभाव अधिकाधिक वाढत गेला. इंग्लंडचा कसोटी कर्णधार जो रूटचे महत्त्वाचे योगदान आहे. त्याच्या सतत उत्तम कामगिरीमुळे इंग्लंड बोर्ड त्याला 8.97 करोड इतके मानधन देते.

महत्त्वाच्या बातम्या – 

एका चेंडूत ६ धावा हव्या असताना धोनीला कुठे गोलंदाजी करशील? पॅट कमिन्सने दिले ‘हे’ उत्तर 

पुन्हा पाहायला मिळणार ‘गेल स्टॉर्म’! ‘या’ संघाशी झाला करारबद्ध

बुडत्याला काठीचा आधार! सुशील कुमारची ‘ही’ मागणी कोर्टाने केली मान्य