कोणत्याही खेळाडूसाठी पदार्पण सामना, पदार्पण शतक, अर्धशतक, किंवा पहिली विकेट घेणं अशा आठवणी असतात, ज्याला ते कधीच विसरू शकत नाहीत. पण विराट कोहली त्या फलंदाजाचे नाव विसरला ज्याला बाद करून त्याने आयपीएलमध्ये त्याची पहिली विकेट घेतली होती. तसंही तो जास्त गोलंदाजी करत नाही, तो एक शानदार फलंदाज आहे. पण कधी कधी तो गोलंदाजी सुद्धा करतो. विराट कोहली विसरला, पण तुम्हाला माहिती आहे का? की आयपीएलमध्ये त्याने कोणत्या फलंदाजाची पहिली विकेट घेतली होती चला जाणून घेऊया.
विराट कोहली त्या खेळाडूंमध्ये सामील आहे जे आयपीएलच्या पहिल्या हंगामापासून खेळत आहेत. तो स्पर्धेमध्ये सर्वात जास्त धावा करणारा फलंदाज आहे. त्याच्या नावावर 259 सामन्यांच्या 251 डावांमध्ये 8253 धावा आहेत. विराटच्या नावावर 4 आयपीएल विकेट्स आहेत, त्याने त्याची पहिली विकेट पहिल्याच हंगामात घेतली होती.
आयपीएल 2025 दरम्यान जतिनन सप्रूने विराट कोहलीचा एक इंटरव्यू घेतला, यामध्ये त्याने रॅपिड फायर राउंडमध्ये विराट कोहलीला काही प्रश्न विचारले. त्याने एका प्रश्नामध्ये विचारले की, आयपीएलमध्ये तू पहिली विकेट कोणत्या फलंदाजाची घेतली होती? तेव्हा पटकन विराट हर्षल गिफ्ट म्हटला पण ते उत्तर चुकीचे होते. यानंतर त्याने रवी तेजाचे नाव घेतले, पण नंतर कोहलीने वेणुगोपाल राव आणि पुन्हा एडम गिलक्रिस्ट नाव घेतले पण हे सर्व चुकीचे होते.
विराट कोहलीच्या आयपीएल मधील गोलंदाजी प्रदर्शनाबद्दल बोलायचे झाल्यास, त्याने एकूण 251 चेंडू टाकले आहेत. यामध्ये त्याने 368 धावा दिल्या आहेत आणि आयपीएल मध्ये एकूण चार विकेट्स घेतल्या आहेत. ज्यामध्ये त्याचे सर्वश्रेष्ठ प्रदर्शन 25 धावा देऊन दोन विकेट्स घेणे आहे. हे त्याच सामन्यांमधील आहे ज्यामध्ये कोहलीने त्याची पदार्पण विकेट घेतली होती. या सामन्यात विराटने दोन फलंदाजांना बाद केले होते.
विराट कोहलीने आयपीएलमध्ये त्याची पहिली विकेट श्रीलंकाचा फलंदाज चमारा सिल्वाला बाद करून घेतली होती, तो कॅच आऊट झाला होता. विराटने यानंतर याच सामन्यात रवी तेजाला बोल्ड केले होते. याआधी त्याने तीन सामनांमध्ये गोलंदाजी केली होती, पण त्याला एकाही सामन्यात विकेट मिळाली नाही. त्याने या दोघांशिवाय आयपीएलमध्ये रिद्धीमान साहा आणि ब्रेन्डन मैकुलम यांना बाद केले आहे.
जतिनने यानंतर विराटला विचारले की, आयपीएलमध्ये तू तुझ्या कर्णधार पदाची सुरुवात कोणत्या संघाविरुद्ध केली होती? तेव्हा विराटने आठवत उत्तर दिले की, कदाचित 2013 मध्ये. तेव्हा लगेच जतिनने विराट कोहलीला टोकत म्हटले की, 2011 मध्ये आहे. यावर विराटच आश्चर्यचकित झाला तो म्हणाला मलाच आठवत नाही.
विराट कोहलीने कर्णधार म्हणून आयपीएलमध्ये पहिला सामना 2011 मध्ये राजस्थान रॉयल्स विरुद्ध खेळला होता. त्याला नेतृत्व करण्याची संधी यामुळे मिळाली होती की, संघाचा कर्णधार डॅनियल व्हिटोरी गुडघ्याच्या दुखापतीमुळे बाहेर झाला होता. त्यानंतर विराट आरसीबीचा कर्णधार 2013 मध्ये झाला.
