सध्या भारत विरूद्ध इंग्लंड (India vs England) संघात 5 सामन्यांची टी20 मालिका खेळली जात आहे. त्यातील 2 सामने खेळले गेले आहेत. दोन्ही सामन्यात भारताने शानदार विजय मिळवत मालिकेत 2-0 अशी आघाडी घेतली. आता दोन्ही संघातील तिसरा सामना आज (28 जानेवारी) राजकोटच्या मैदानावर खेळला जाईल. तत्पूर्वी या सामन्याचा टाॅस जिंकून भारतीय कर्णधार सूर्यकुमार यादवने (Suryakumar Yadav) गोलंदाजीचा निर्णय घेतला आहे. या सामन्यात भारतीय संघाचा दिग्गज अनुभवी वेगवान गोलंदाज मोहम्मद शमी (Mohammed Shami) खेळताना दिसणार आहे.
तिसऱ्या सामन्यासाठी दोन्ही संघांची प्लेइग 11-
भारत-संजू सॅमसन (यष्टीरक्षक), अभिषेक शर्मा, तिलक वर्मा, सूर्यकुमार यादव (कर्णधार), ध्रुव जुरेल, हार्दिक पांड्या, वॉशिंग्टन सुंदर, अक्षर पटेल, मोहम्मद शमी, रवी बिश्नोई, वरुण चक्रवर्ती
इंग्लंड-फिलिप साल्ट, बेन डकेट, जोस बटलर (कर्णधार), हॅरी ब्रूक, लियाम लिव्हिंगस्टोन, जेमी स्मिथ (यष्टीरक्षक), जेमी ओव्हरटन, ब्रायडन कार्स, जोफ्रा आर्चर, आदिल रशीद, मार्क वूड
हा सामना इंग्लंडसाठी ‘करो या मरो’ असणार आहे, तर भारतीय संघ हा सामना जिंकून या मालिकेत अजेय आघाडी घेण्याचा प्रयत्न करेल. दरम्यान दोन्ही संघात अटीतटीची लढत पहायला मिळेल. पहिल्या दोन्ही सामन्यात भारतीय संघाची कामगिरी उत्कृष्ट राहिली आहे. दोन्ही संघातील पहिला सामना कोलकाताच्या ईडन गार्डन्स मैदानावर खेळला गेला होता, दरम्यान भारतीय संघाची गोलंदाजी उत्कृष्ट राहिली. भारताने या सामन्यात 7 गडी राखून इंग्लंडचा धुव्वा उडवला. या सामन्यात भारतीय संघासाठी युवा अभिषेक शर्माने (Abhishek Sharma) तुफानी अर्धशतक झळकावत भारताला विजय मिळवून दिला होता.
दोन्ही संघातील दुसरा टी20 सामना चेन्नईच्या चेपाॅक स्टेडियमवर खेळला गेला. दरम्यान दोन्ही संघात अटीतटीची लढत पाहायला मिळाली. 166 धावांचा पाठलाग करताना भारतीय संघ ढेपाळला होता. भारताच्या एका बाजूने विकेट्स जात असताना युवा प्रतिभावान खेळाडू तिलक वर्माने (Tilak Varma) एक बाजू लढवली. त्याने शानदार अर्धशतक झळकावत भारतीय संघाला विजय मिळवून दिला. भारताने हा सामना 2 विकेट्सने जिंकला होता.
महत्त्वाच्या बातम्या-
किंग कोहली 25 वर्षीय खेळाडूच्या हाताखाली खेळणार, या कारणामुळे संघाचं कर्णधारपद नाकारलं
चॅम्पियन्स ट्रॉफी 2025 पूर्वी एबी डिव्हिलियर्सचे पुनरागमन, दक्षिण आफ्रिकेकडून खेळताना दिसणार?
रणजी सामन्यासाठी विराट दिल्ली संघात सामील, घरच्या मैदानावर कोहली अनोख्या अंदाजात, पाहा VIDEO
