जयपूर| आयपीएल मध्ये आजचा सामना राजस्थान रॉयल विरुद्ध कोलकाता नाईट रायडर्स यांच्यात होणार आहे. राजस्थान विरूध्द कोलकाताचे आत्तापर्यंत 15 सामने झाले आहेत. यापैकी राजस्थानने 9 तर कोलकाताने 6 सामने जिंकले आहेत. तसेच जयपूरमध्ये राजस्थानने 3 आणि कोलकाताने फक्त 1 सामना जिंकला आहे.
मागील पाच वर्षातनंतर पहिल्यांदाच कोलकाता जयपूरमध्ये राजस्थान विरूद्ध खेळणार आहे. मागच्या वेळी जेव्हा कोलकाता राजस्थान विरुद्ध खेळले होते तेव्हा ते 19 धावांनी हरले होते.
राजस्थानने यावर्षी पहिला सामना हैद्रबाद विरूध्द हरल्यानंतर दुसऱ्या सामन्यात दिल्लीवर डकवर्थ-लुईसच्या नियमानुसार 10 धावेने विजय मिळवला होता.
बंगलोर विरूध्दच्या सामन्यात राजस्थानने 19 धावांनी विजय मिळवला होता. या सामन्यात संजू सॅमसनने 45 चेंडूत नाबाद 92 धावा केल्याने 217 धावांचे लक्ष्य ठेवता आले.
कोलकाताने आत्तापर्यंत चार सामने खेळले असून त्यातील दोन सामन्यात विजय मिळवला आहे. तसेच त्यांनी या आयपीएलमध्ये दोनवेळा 200चा आकडा पार केला आहे. कोलकाताकडे ख्रिस लीन,नितीश राणा यांसारखे फंलदाज तर सुनिल नारायन आणि आंद्रे रसेल यांसारखे अष्टपैलू खेळाडू आहेत.
यावर्षी षटकार मारण्याच्या यादीत कोलकाताचा आंद्रे रसेल (19) पहिल्या तर राजस्थानचा संजू सॅमसन (12) दुसऱ्या स्थानावर आहे.
आजच्या सामन्यात राजस्थान विजयाची हॅटट्रिक करण्यासाठी उत्सुक आहेत, तर विजयाच्या मार्गावर परतलेला कोलकताचा संघ ती लय कायम ठेवण्याच्या प्रयत्नात असेल.
कधी होईल आयपीएल २०१८ मधील राजस्थान रॉयल विरुद्ध कोलकाता नाईट रायडर्स सामना?
राजस्थान रॉयल विरुद्ध कोलकाता नाईट रायडर्स या संघांमध्ये आयपीएल २०१८ चा पधंरावा सामना आज, 18 एप्रिलला होणार आहे.
कुठे होईल आयपीएल २०१८ मधील राजस्थान रॉयल विरुद्ध कोलकाता नाईट रायडर्स यांच्यातील सामना?
राजस्थान रॉयल विरुद्ध कोलकाता नाईट रायडर्स यांच्यातील आजचा सामना सवाई मानसिंग स्टेडियम, जयपूर येथे होईल.
किती वाजता सुरु होणार आयपीएल २०१८ मधील राजस्थान रॉयल विरुद्ध कोलकाता नाईट रायडर्स सामना?
आयपीएल २०१८ मधील राजस्थान रॉयल विरुद्ध कोलकाता नाईट रायडर्स सामना आज रात्री ८.०० वाजता सुरु होईल. तसेच या सामन्यासाठी नाणेफेक रात्री ७.३० वाजता होईल.
कोणत्या टीव्ही चॅनेलवरून आयपीएल २०१८ मधील राजस्थान रॉयल विरुद्ध कोलकाता नाईट रायडर्स सामना प्रसारित होईल?
आयपीएल २०१८ मधील राजस्थान रॉयल विरुद्ध कोलकाता नाईट रायडर्स सामना स्टार स्पोर्ट्स १, स्टार स्पोर्ट्स १ एचडी, स्टार स्पोर्ट्स सिलेक्ट १ आणि स्टार स्पोर्ट्स सिलेक्ट १ एचडी या चॅनल्सवरून इंग्लिश समालोचनासह प्रसारित होईल. तसेच स्टार स्पोर्ट्स १ हिंदी , स्टार स्पोर्ट्स १ हिंदी एचडी यावरून हिंदी समालोचनासह हा सामना प्रसारित होईल.
आयपीएल २०१८ मधील राजस्थान रॉयल विरुद्ध कोलकाता नाईट रायडर्स सामना ऑनलाईन कसा पाहता येईल?
आयपीएल २०१८ मधील राजस्थान रॉयल विरुद्ध कोलकाता नाईट रायडर्स सामन्याचे ऑनलाईन प्रसारण हॉटस्टार आणि जिओ टीव्हीवर होणार आहे.
यातून निवडले जातील ११ जणांचे संघ:
राजस्थान रॉयल्स: अजिंक्य राहणे (कर्णधार), बेन स्टोक्स,स्टुअर्ट बिन्नी, संजू सॅमसन, जॉस बटलर, राहुल त्रिपाठी, डार्सी शॉर्ट, जोफ्रा आर्चर,प्रशांत चोप्रा , कृष्णप्पा गॉथम, धवल कुलकर्णी, जयदेव उनाडकट, अनुरीत सिंग, बेन लाफ्लिन, दुशमंथा चामीरा , अंकित शर्मा, अर्यमान बिर्ला , श्रेयश गोपाळ, सुधेसन मिधून, महिपाल लोमरोर, जतीन सक्सेना, हेनरीच क्लासेन
कोलकाता नाईट रायडर्स: दिनेश कार्तिक (कर्णधार),रॉबीन उथप्पा, आंद्रे रसेल, ख्रिस लीन, पियुष चावला, कुलदिप यादव, मिशेल जॉन्सन, सुनिल नारायन, शुभम गील, इशांक जग्गी, कमलेश नागरकोती, नितीश राणा, विनय कुमार, अपुर्व वानखाडे, रिंकू सिंग, शिवम मवी, जॅवोन सर्लस, कॅमरॉन डेलपोर्ट