मुंबई। प्रॅकटेनिस व एमएसएलटीए यांच्या संलग्नतेने आयोजित आणि आशियाई टेनिस संघटना(एटीएफ) व अखिल भारतीय टेनिस संघटना(एआयटीए)यांच्या मान्यतेखाली होत असलेल्या 3000डॉलर आरबीएल-एटीटी आशियाई मानांकन पुरुष टेनिस अजिंक्यपद स्पर्धेत बिगर मानांकीत कोलकत्ताच्या ईशाक ईकबाल याने सहाव्या मानांकित चेन्नईच्या पृथ्वी सेखर याचा 6-1, 6-2 असा पराभव करून विजेतेपद संपादन केले.
महाराष्ट्र राज्य लॉन टेनिस संघटना येथील टेनिस कोर्टवर सुरु असलेल्या रत्नाकर बँक लिमिटेड(आरबीएल)यांनी प्रायोजित केलेल्या या स्पर्धेत एकतर्फी झालेल्या अंतिम फेरीच्या लढतीत ईशाक ईकबालने पृथ्वी सेखरचे आव्हान अवघ्या 1तासात मोडीत काढले.
स्पर्धेतील विजेत्या खेळाडूला 50 गुण व 31हजार रुपये, तर उपविजेत्या खेळाडूला 30 गुण व 20हजार रुपये अशी पारितोषिके देण्यात आली. स्पर्धेचे पारितोषिक वितरण आरबीएल बँकेचे अनुप नांदी आणि जयदीप अय्यर, एमएसएलटीएचे मानद सचिव सुंदर अय्यर यांच्या हस्ते करण्यात आले. यावेळी स्पर्धा संचालक रामा राव, सुपरवायझर लीना नागेशकर आदी मान्यवर उपस्थित होते.
स्पर्धेचा सविस्तर निकाल- अंतिम फेरी
ईशाक ईकबाल(भारत) वि.वि. पृथ्वी सेखर(भारत)(6) 6-1, 6-2.