पुणे। युनायटेड स्पोर्ट्स क्लब आणि जस क्रिकेट अकादमी यांच्या तर्फे आयोजित जस क्रिकेट अकादमी करंडक 14 वर्षाखालील निमंत्रित टी-20 प्रिमियर लीग क्रिकेट स्पर्धेत साखळी फेरीत जस क्रिकेट अकादमी अमानोरा संघाने डिझायर स्पोर्टस् संघाचा तर स्पार्क स्पोर्टस् अकादमी संघाने तरू क्रिकेट अकादमी संघाचा पराभव करत उपांत्य फेरीत प्रवेश केला.
धानोरी येथील प्रकाश टिंगरे मैदानावर सुरु असलेल्या या स्पर्धेत साखळी फेरीत तनिष बगाने अचूक गोलंदाजीच्या बळावर जस क्रिकेट अकादमी अमानोरा संघाने डिझायर स्पोर्टस् संघाचा 130 धावांनी दणदणीत पराभव करत उपांत्य फेरीत प्रवेश केला. पहिल्यांदा खेळताना शिव हरपळेच्या 68 व परम अभ्युदय याच्या नाबाद 41 धावांसह जस क्रिकेट अकादमी अमानोरा संघाने 20 षटकात 3 बाद 173 धावांचा डोंगर रचला. 173 धावांच्या आव्हानाचा पाठलाग करताना तनिष बगाने, हिमेश अगरवाल व समर्थ वाबळे यांच्या भेदक गोलंदाजीपुढे डिझायर स्पोर्टस् संघ केवळ 13.4 षटकात सर्वबाद 43 धावांत गारद झाला. 13 धावांत 5 गडी बाद करणारा तनिष बगाने सामनावीर ठरला.
दुस-या लढतीत शुभ दुबेच्या नाबाद 66 धावांच्या जोरावर स्पार्क स्पोर्टस् अकादमी संघाने तरू क्रिकेट अकादमी संघाचा 86 धावांनी पराभव करत उपांत्य फेरीत प्रवेश केला. पहिल्यांदा खेळताना स्पार्क स्पोर्टस् अकादमी संघाने 20 षटकात 3 बाद 150 धावा केल्या. यात अर्णव पुरोहितने 31धावा करून शुभला सुरेख लाथ दिली. 150 धावांच्या आव्हानाचा पाठलाग करताना कनक सहस्त्रबुध्दे, परव गांधी व पलाश शिवनानी यांच्या अचूक गोलंदाजीपुढे तरू क्रिकेट अकादमी संघ 18.3 षटकात सर्वबाद 64 धावांत गारद झाला. शुभ दुबे सामनावीर ठरला.
स्पर्धेचा सविस्तर निकाल-
साखळी फेरी-
जस क्रिकेट अकादमी अमानोरा- 20 षटकात 3 बाद 173 धावा(शिव हरपळे 68(47), परम अभ्युदय नाबाद 41(31), श्रेयश यादव 28(27), महोम्मद कैफ तांबोळी 1-50, पृथ्वीराज 1-27, हर्ष पवार 1-23) वि.वि डिझायर स्पोर्टस्- 13.4 षटकात सर्वबाद 43 धावा(हर्ष पवार 20(41), तनिष बगाने 5-13, हिमेश अगरवाल 3-3, समर्थ वाबळे 1-4) सामनावीर- तनिष बगाने
जस क्रिकेट अकादमी अमानोरा संघाने 130 धावांनी सामना जिंकला.
स्पार्क स्पोर्टस् अकादमी- 20 षटकात 3 बाद 150 धावा(शुभ दुबे नाबाद 66(65), अर्णव पुरोहित 31(21), पुष्कर कारखिले 24(30), शंतनू वीर 1-31) वि.वि तरू क्रिकेट अकादमी- 18.3 षटकात सर्वबाद 64 धावा(गंधव जाधव 16(24), प्रणव दल 15(23), कनक सहस्त्रबुध्दे 4-11, परव गांधी 3-10, पलाश शिवनानी 2-11, अर्णव पुरोहित 1-8) सामनावीर शुभ दुबे
स्पार्क स्पोर्टस् अकादमी संघाने 86 धावांनी सामना जिंकला.