सतीश भालेराव नागपूर:- स्व.आमदार गोविंदराव वंजारी स्मृती क्रॉस कंट्री स्पर्धा नुकतीच संताजी महाविद्यालयाच्या शारीरिक शिक्षण विभागातर्फे घेण्यात आली. विदयार्थ्यासाठी 8 किलोमीटर आणि विदयार्थीनी साठी 5 किलोमीटर स्पर्धा होती. सुरुवातीला प्राचार्या डॉ.प्रिया वंजारी यांनी दोन्ही दौडींना हिरवी झेंडी दाखवून स्पर्धा सुरू केली. विद्यार्थ्यांमध्ये प्रथम क्रमांक कौशिक तुमसरे,क्रिश पवनीकर आणि आलोक शर्मा हे पीडब्ल्यूएस महाविद्यालयाचे विद्यार्थी यांचा अनुक्रमे प्रथम,द्वितीय,तृतीय आला तर चौथा क्रमांक विवेक गौपाले पाचवा संकेत ढगे हे संताजी महाविद्यालयाचे विद्यार्थ्यांच्या गटातून आले.
विद्यार्थिनींमध्ये खुशबू शिरसागर,सुमन शाहू आणि उज्वला पराते हे दयानंद आर्य कन्या महाविद्यालयाच्या विद्यार्थिनी प्रथम,द्वितीय,तृतीय आल्या तर संताजी महाविद्यालयाची चतुर्थ क्रमांकावर राजकुमारी धुर्वे ही राहीली. पाचव्या स्थानावर प्रतीक्षा बेद्रे हिचा क्रमांक आला. ही दयानंद आर्य कन्या महाविद्यालयाची विदयार्थिनी होती. ही पूर्ण क्राॅस कंट्री स्पर्धा ही महाविद्यालयाचे क्रीडा विभाग प्रमुख प्राध्यापक डॉ.संजय खळतकर यांच्या नेतृत्वात झाली. या क्राॅस कंट्रीची स्पर्धा आयोजनासाठी प्राचार्या डॉ. प्रिया वंजारी यांचे मोलाचे मार्गदर्शन लाभले. प्राध्यापक डॉ.मीना बालपांडे आणि अन्य महाविद्यालयातील प्राध्यापकांसह, इतर क्रीडा विभाग प्रमुख या क्राॅस कंट्री स्पर्धेत प्राध्यापक उपस्थित होते. महाविद्यालयातल्या शिक्षक-शिक्षकेतर कर्मचाऱ्यांनी दौड संपन्न करण्यासाठी सहकार्य लाभले व ही क्राॅस कंट्री अजिंक्यपद स्पर्धा यशस्वीरित्या संपन्न झाली.